தமிழ் சினிமாவின் முன்னணி இயக்குநராக இருப்பவர் முருகதாஸ்.. இவர் அஜித் நடித்த தீனா படம் மூலம் இயக்குநராக அறிமுகமானார். இவர் ஒவ்வொரு படத்தை முடித்த பிறகும் அடுத்ததாக அஜித்தை வைத்து ஒரு படத்தை இயக்கபோவதாக தகவல்கள் வெளிவருகின்றன.
அப்படிதான் கடைசியாக கத்தி படத்திற்கு பிறகு முருகதாஸ், அஜித்தை வைத்து ஒரு படம் இயக்கப்போவதாகவும், அந்தப்படத்திற்கு அனிருத் தான் இசையமைப்பாளர் என்றும் தகவல் வெளியானது..
இது குறித்து இயக்குநர் முருகதாஸ் கூறுகையில், நான் ஒவ்வொரு படத்தை இயக்கி முடித்ததும் அஜித்தை சந்தித்து புதிய படத்திற்கான கதை பற்றி பேசுவேன். ஆனால் இருவரும் மீண்டும் சேர்ந்து பணியாற்றும் வாய்ப்பு இதுவரை கிடைக்கவில்லை. அஜித் சார் அவர் படங்களில், நான் என் படங்களில் தொடர்ந்து பிசியாக இருப்பதால் இருவரும் மீண்டும் ஒன்று சேர்ந்து வேலை பார்க்க முடியாமல் உள்ளது.
அஜித்துக்காக கதை தயாராக உள்ளது. அவர் மட்டும் படத்தில் நடிக்க சம்மதம் தெரிவித்துவிட்டால் என் பிற வேலைகளை எல்லாம் விட்டுவிட்டு அவரை வைத்து படம் எடுக்க தயார் என்றார் முருகதாஸ். அஜித் நடித்துள்ள என்னை அறிந்தால் பிப்ரவரி மாதம் ரிலீஸ் ஆகிறது. இதையடுத்து அவர் சிறுத்தை சிவா இயக்கத்தில் மீண்டும் நடிக்க உள்ளார். இந்தப் படத்திற்கு பிறகுதான் அஜித் நடித்தால் முருகதாஸ் படத்தில் நடிக்க முடியும் என்று தெரியவருகிறது..
முருகதாஸ் ரெடி.. அஜித் ரெடியா..?
No comments:
Post a Comment