விக்ரம், எமி ஜாக்ஸன் நடிப்பில் ஷங்கர் இயக்கத்தில் பொங்கலை முன்னிட்டு வெளியான படம் ’ஐ’. ரசிகர்களிடம் கலந்த விமர்சங்களை பெற்றுள்ள இப்படம் உலகம் முழுவதும் அதிகமான வசூலை குவித்து வருவதாக கூறப்படுகிறது. தற்போது படம் வெளியாகி இரண்டு வாரங்கள் கழித்தும் அதிகமான திரையரங்குகளில் ஓடிக் கொண்டு இருக்கிறது.
மேலும் ஐ வசூல் கண்டிப்பாக 200 கோடி ரூபாயை தொட்டுவிடும் என்று பலர் தெரிவித்து வந்தனர். இப்படம் தமிழ்நாட்டில் மட்டும் சுமார் 65 கோடி ரூபாய் வரை வசூலைக் குவித்திருக்கிறது.
ஆந்திரா, தெலுங்கானா மாநிலங்களில் சுமார் 40 கோடி ரூபாயும், கேரளாவில் 15, கர்நாடகாவில் 12, மற்ற மாநிலங்களில் 5 கோடி ரூபாயும், பிற நாடுகளில் 40 கோடி ரூபாயும், இந்தி மொழி வெளியீட்டில் 20 கோடி ரூபாயும் என மொத்தமாக 197 கோடி ரூபாய் வரை வசூல் செய்திருக்கலாம் என அதிகாரப்பூர்வமற்ற தகவல்கள் தெரிவிக்கின்றன.
எந்திரன் படத்திற்கு பிறகு அதிக வசூலைக் குவிக்கும் ஒரே படம் என்ற பெருமையை ஐ படம் பெற்று வருகிறதாம். மேலும் கடந்த ஆண்டில் அதிக வசூல் செய்த படம் என்று சொல்லப்பட்ட விஜய்யின் கத்தி படத்தின் வசூலையும் ஐ படம் மிஞ்சி புதிய சாதனையை படைத்துள்ளதாகவும் கூறப்படுகிறது.
No comments:
Post a Comment