வரும் தமிழ் புத்தாண்டு அன்று விஜய், அஜித் ரசிகர்களுக்கு கொண்டாட்டம் தான் என்று சொல்லலாம். காரணம் அன்றுதான் விஜய் நடித்து வரும் புலி படத்தின் பர்ஸ்ட் லுக்கும், அஜித் நடிக்கும் அடுத்த படத்தின் ஆரம்பவிழாவும் நடைபெற இருக்கிறதாம்.
கத்தி படத்திற்கு பிறகு விஜய் நடித்து வரும் 'புலி' படத்தின் படப்பிடிப்பு தற்போது கேரளாவில் விறுவிறுப்பாக நடைபெற்று வருகிறது. தற்போது இந்த படத்தின் படப்பிடிப்பு 60% முடிவடைந்து விட்டதாகவும், மீதி படப்பிடிப்பை மிக விரைவில் முடித்துவிட்டு விஜய் பிறந்த நாளான ஜுன் மாதம் 22ஆம் தேதி படத்தை வெளியிட சிம்புதேவன் திட்டமிட்டிருப்பதாகவும் கூறப்படுகிறது.
இந்நிலையில் வரும் ஏப்ரல் 14ஆம் தேதி தமிழ் புத்தாண்டு அன்று 'புலி' படத்தின் பர்ஸ்ட் லுக் வெளியாகும் என ஊடகங்களில் செய்திகள் வெளிவருகின்றன. இதே நாளில்தான் 'தல 56' படத்தின் ஆரம்பவிழாவும் நடைபெறும் என செய்திகள் கூறுகின்றன.
சிறுத்தை சிவா இயக்கும் இப்படத்திற்கு அனிருத் இசையமைக்கிறார் என்பது உறுதியாகிவிட்டது. மேலும் மற்ற தொழில்நுட்ப கலைஞர்கள் மற்றும் நடிகர் நடிகைகள் தேர்வு செய்யப்பட்ட பின்னர் ஏப்ரல் 14ஆம் தேதி முதல் படப்பிடிப்பை தொடங்க தயாரிப்பாளர் ஏ.எம்.ரத்னம் முடிவு செய்திருப்பதாகவும் கூறப்படுகிறது.
No comments:
Post a Comment