நீண்ட இடைவெளிக்கு பிறகு நடிகை சோனியா அகர்வால் நடித்து வரும் படம் ’பாலக்காட்டு மாதவன்’. இந்தப் படத்தில் விவேக்கிற்கு மனைவியாக நடித்துள்ளார் சோனியா அகர்வால். எம்.சந்திரமோகன் இயக்கத்தில் உருவாகியுள்ள இந்தப் படத்தில் விவேக், சோனியா அகர்வாலுடன் பாக்கியராஜ், ஷீலா, மனோபாலா, சிங்கமுத்து ஆகியோர் நடித்துள்ளனர்.
முழுக்க முழுக்க காமெடியை மையமாக வைத்து உருவாகியிருக்கும் இந்தப் படத்திற்கு ஸ்ரீகாந்த் தேவா இசையமைத்துள்ளார். இப்படத்தின் இசை வெளியீட்டு விழா சமீபத்தில் சென்னையில் நடைபெற்றது. விழாவில் ஆடியோவை அனிருத் வெளியிட சிவகார்த்திகேயன் பெற்று கொண்டார்.
இவ்விழாவில் நடிகர் விவேக் பேசும் போது, ஒரு காமெடியன் கூட ஜோடியாக நடிக்க எல்லா நடிகைகளும் தயங்குவார்கள். ஏதாவது சாக்கு போக்கு சொல்லி தட்டிக் கழித்து விடுவார்கள்; நடிக்கமாட்டார்கள். நடிகைகள் எல்லாருமே தங்கள் வருங்காலக் கணவர் எப்படி இருக்க வேண்டும் என்றால் நகைச்சுவை உணர்வு உள்ளவர்களாக இருக்க வேண்டும் என்று பேட்டியெல்லாம் கொடுப்பார்கள்.
ஆனால் காமெடியே வாழ்க்கையாக உள்ள, சிரிக்க வைப்பதையே தொழிலாக உள்ள ஒரு காமெடியன் கூட நடிக்க மட்டும் வர மாட்டார்கள். ஆனால் என் படத்தில் என்னுடன் நடிக்க சோனியா அகர்வால் சம்மதித்தார். அதற்காக சோனியா அகர்வாலுக்கு நன்றி.
அது மட்டுமல்ல அவருடன் நடிக்கும் போது அவரது இடுப்பை நான் கிள்ளுவது போன்ற காட்சி இருந்தது. நான் தயங்கி நின்றேன். ஆனால் அவரோ ‘நடிப்புதானே… ச்சும்மா கூச்சப்படாம கிள்ளுங்க. என் இடுப்பு உங்க ஏரியா” என்றார். அப்புறம் என்ன? அது போதாதா எனக்கு? தமிழனுக்கு கோடு போட்டாலே ரோடு போடத் தெரியாதா என்ன? பிறகு நானும் புகுந்து விளையாடி விட்டேன் என்று கூறினார்.
விழாவின் போது நடிகை ஆர்த்தி தண்ணீர் பாட்டில் தடுக்கி தவறி விழுந்தார். ‘ஆர்த்தி தண்ணியினால் விழுந்து விட்டார்’ என்று தவறாக குறிப்பிட வேண்டாம் எனக் கேட்டுக் கொண்டார் விவேக்.
தொடர்ந்து அவர் பேசுகையில் அனிருத்தை இப்படத்தில் பாட அழைத்தபோது உடனே சரி என்று ஒப்புக் கொண்டார். வெளியே இறங்கும் சமயத்தில் என் பின்னே அனிருத் செருப்பை எடுத்துக் கொண்டு ஓடிவந்தார். எனக்கு பயம் பாடலுக்கு ஓகே சொல்லிவிட்டு செருப்போடு ஓடி வருகிறாரே என்று.
ஆனால் நான் தவறுதலாக என் செருப்பை அவரது வீட்டில் விட்டுவிட்டேன். அதை கொடுப்பதற்காக அவர் ஓடிவந்தார் என்பதை பின்பு அறிந்தேன். இவ்வாறாக விழாவை கலகலப்பாகி பேசினார் விவேக்.
No comments:
Post a Comment