அமெரிக்காவின் அலபாமாவில், தன் மகனுடன் வசித்து வரும் இந்தியரான தந்தை ஒருவர் ஆங்கிலம் தெரியாததால் போலீசாரால் தாக்கப்பட்டு மருத்துவமனையில் சிகிச்சை பெற்று வருகிறார்.
அமெரிக்காவின் அலபாமா மாகாணத்தில், ஹண்ட்ஸ்வில்லே என்ற பகுதியில் வசித்து வருகிறார் சிராக் என்ற இந்தியப் பொறியாளர். இவரைப் பார்பதற்காக 57 வயதான இவரது தந்தை சுரேஷ் பாய் படேல் அமெரிக்கா சென்றுள்ளார்.
கடந்த 6ம் தேதி, சிராக் பணிக்குச் சென்ற பின், அவரது தந்தை சுரேஷ் பாய் படேல் வீட்டைச் சுற்றிப் பார்க்கச் சென்றுள்ளார். இதைக் கண்ட அக்கம் பக்கத்தினர், இவர் யாரோ என்று நினைத்து, போலீஸுக்கு போன் போட்டு யாரோ தங்கள் வீட்டை நோட்டமிடுவதாகப் புகார் அளித்துள்ளனர்.
விரைந்து வந்த போலீசார், படேலை மடக்கி ஆங்கிலத்தில் சரமாறியாக கேள்வி கேட்டுள்ளனர். ஒன்றும் புரியாத படேல், ’நோ இங்கிலிஷ்’ என்று பதிலளித்துள்ளார். அவர் நடிப்பதாக நினைத்த போலீஸ் ஒருவர் அவரிடம் கொஞ்சம் கடுமையாக நடந்து கொண்டு அவரை தள்ளியுள்ளார்.
வயது முதிர்ந்த படேல் அப்படியே சாலையில் விழுந்து முடங்கி விட்டார். இதனால் அவருக்கு உடல் நிலை பாதிப்புக் குள்ளாகிவிட்டது. உடனே மருத்துவனைக்கு சேர்க்கப்பட்டு சிராக்குக்கும் தகவல் தெரிவிக்கப்பட்டுள்ளது.
இதை கேள்விப்பட்டு பதறிப் போனார் இதியப் பொறியாளர் சிராக். இது குறித்து, ”என் அப்பா ஓய்வில் இருக்கும் போது அந்த பகுதியை நடந்து சென்று பார்த்திருக்கிறார்.” ”அப்பாவுக்கு இந்தியும், குஜராத்தியும் தான் தெரியும். ஆங்கில மொழி தெரியாததால் பொலிசார் கேட்ட கேள்விகளுக்கு பதில் அளிக்க முடியாததால் இந்த நிலை ஏற்பட்டுள்ளது” என்று கூறியுள்ளார்.
மொழி தெரியாதவரிடம் கடுமையாக நடந்து கொண்டதற்காக சம்பந்தப்பட்ட போலீஸ் சஸ்பெண்ட் செய்யப்பட்டாராம். அதோடு, அவர் மீது வழக்கு தொடர சிராக்கும் முயற்சித்து வருகிறாராம்.
No comments:
Post a Comment