முதலமைச்சர் வேட்பாளராக விஜயகாந்த்.. பா.ஜ.க.வுக்கு வலியுறுத்தல்!!?

தேமுதிக தலைவர் விஜயகாந்தை தமிழக முதல்வர் வேட்பாளராக அறிவிக்க வேண்டும் என பாஜகவிடம் வலியுறுத்தியுள்ளதாக கூறப்படுகிறது.

தமிழகத்திற்கான சட்டசபை தேர்தல் அடுத்த வருடம் நடைபெற உள்ள நிலையில், கடந்த தேர்தலின் போது கூட்டணியாக இருந்த பாஜக, தேமுதிக, பாமக மற்றும் மதிமுக கட்சிகளில் இருந்து மதிமுக விலகியதைத் தொடர்ந்து தேமுதிக மற்றும் பாமக மட்டுமே இந்த தேர்தலில் பாஜகவுடன் கூட்டணி அமைக்கும் என்று தெரிகிறது.

இந்நிலையில், பாமக அன்புமணி ராமதாஸை முதலமைச்சர் வேட்பாளராக அறிவித்தது. இதற்கு தேமுதிக கட்சியினரிடையே பலத்த எதிர்ப்பு கிள்ம்பியுள்ளது.

மேலும், தேமுதிக இளைஞர் அணி செயலாளர் சுதீஷ் டெல்லி சென்று பாஜகவின் தேசிய தலைவர் அமித்ஷாவை சந்தித்து பேசுகையில், பாமக தனிச்சையாக முதலமைச்சர் வேட்பாளரை அறிவித்தது கண்டனத்திற்கு உரியது என்றும், தேமுதிக தலைவர் விஜயகாந்த்தினை தமிழகத்தின் முதலமைச்சர் வேட்பாளராக நியமிக்க வேண்டும் என்று வலியுறுத்தியதாகவும் தகவல் வெளியாகியுள்ளது.