படப்பிடிப்பில் நடிகைக்கு ’கும்மாங்குத்து’..!

தமிழில் விஷாலுடன் ’தீராத விளையாட்டுப்பிள்ளை’, ஜெயம் ரவியுடன் ’ஆதிபகவன்’, போன்ற படங்களில் நடித்தவர் நடிகை ’நீதுசந்திரா’.

இவர் கடைசியாக அமிரின் ஆதி பகவான் படத்தில் நடித்திருந்தார். இவர் தமிழ் மட்டுமல்லாது பிற மொழிகளான இந்தி, தெலுங்கு, கன்னடம் ஆகிய மொழிகளில் நடித்துள்ளார்.

நீண்ட இடைவெளிக்குப் பிறகு தற்போது ஆர்.கேவுக்கு ஜோடியாக ‘வைகை எக்ஸ்பிரஸ்’ என்ற படத்தில் நடித்து வருகிறார். இப்படத்தின் படப்பிடிப்பு தற்போது சென்னை வளசரவாக்கத்தில் நடைபெற்று வருகிறது. இந்த படப்பிடிப்பின் போது நீது சந்திராவுக்கு காயம் ஏற்பட்டுள்ளது.

நீது சந்திராவுக்கும் நடிகர் பவனுக்கும் இடையே நடக்கும் கைகலப்பு போன்ற காட்சி படமாக்கப்பட்டபோது, அப்போது பவனின் டைமிங் மிஸ்ஸானதில் நீதுவுக்கு குத்து விழுந்து முகத்தில் காயம் ஏற்பட்டு, ரத்தம் வழிந்தது. சக நடிகைகள் நீதுவுக்கு உதவினர். ஆனால் இதை பெரிதாக எடுத்துக்கொள்ளாமல் மீண்டும் நடிக்க தயாரானார் நீது.