ஒளிப்பதிவில் தனக்கு என்று ஒரு புதிய பாணியினை அமைத்துக் கொண்டு தமிழ் சினிமாவில் ஒரு பெரிய மாற்றத்தை உண்டாக்கியவர் மாபெரும் கலைஞர் பாலுமகேந்திரா.
முதலில் ஒளிப்பதிவாளராக இருந்து பின் இயக்குநராக மாறி சினிமாவில் பல சாதனைகள் படைத்த பாலு மகேந்திரா பல தரமான படங்களை இயக்கி தன்னை சிறந்த ஒரு இயக்குநராகவும் அடையாளப்படுத்திக் கொண்டவர்.
இந்திய சினிமாவின் சிறந்த ஒளிப்பதிவாளர்களை எடுத்துக் கொண்டாலும், சிறந்த இயக்குநர்களின் பட்டியலை எடுத்துக் கொண்டாலும் அதில் பாலுமகேந்திராவின் பெயர் முன்னணியில் தான் இருக்கும் என்பதில் எந்த சந்தேகமும் இல்லை. தனது வாழ்க்கையையே சினிமாவுக்காக அர்ப்பணித்த அந்த மாபெரும் கலைஞர் இன்று நம்மிடையே இல்லை.
அவர் இல்லையென்றாலும் தமிழ் சினிமா ரசிகர்களின் மனங்களில் இருந்து என்றும் நீங்கிவிடாத அந்த மகா கலைஞனின் பெயர் சினிமா இருக்கும் வரை உச்சரிக்கப்படும்.
இந்தியச் சினிமாவில் பல இயக்குநர்களுக்கு ரோல் மாடலாகவும், தமிழ்ச் சினிமாவின் பொக்கிஷாமாக விளங்கும் அந்த மகா கலைஞன் இவ்வுலகை விட்டு மறைந்து ஓராண்டு நிறைவு பெறுகிற இந்நாளில் அவரை நினைவு கூர்வதில் எங்கள் 'தமிழ் உலகம்' மகிழ்ச்சி அடைகிறது.
No comments:
Post a Comment