கத்தி படத்திற்கு பிறகு விஜய் நடித்து வரும் 'புலி' படத்தின் படப்பிடிப்பு கேரளாவில் விறுவிறுப்பாக நடைபெற்று வருகிறது.
தற்போது இந்த படத்தின் படப்பிடிப்பு இறுதி கட்டத்தை நெருங்கி விட்டதாகவும், மீதி படப்பிடிப்பை மிக விரைவில் முடித்துவிட்டு விஜய் பிறந்த நாளான ஜுன் மாதம் 22ஆம் தேதி படத்தை வெளியிட சிம்புதேவன் திட்டமிட்டிருப்பதாகவும் கூறப்படுகிறது.
மேலும் புலி படத்தின் பர்ஸ்ட் லுக்கை வரும் ஏப்ரல் 14ஆம் தேதி தமிழ் புத்தாண்டு அன்று படக்குழுவினர் வெளியிட உள்ளதாகவும் சமீபத்தில் செய்திகள் வெளியானது. ஆனால், இதுகுறித்து படக்குழுவினர் இன்னும் அதிகாரப்பூர்வமாக அறிவிக்கவில்லை.
இந்நிலையில் இது குறித்து படக்குழுவிடம் விசாரித்த போது, "முதலில் நாங்கள் இன்னும் பர்ஸ்ட் லுக் இப்படித்தான் இருக்க வேண்டும் என்பதையே தீர்மானிக்கவில்லை. தீவிரமாக படப்பிடிப்பில் இருக்கிறோம். யாருடைய தேதிகளையும் வீணடிக்காமல் ஷூட்டிங் நடத்துவதுதான் இப்போதைக்கு முதல் வேலை. அதன் பிறகுதான் மற்றவையெல்லாம்," என்றனர்.
தமிழ் புத்தாண்டு அன்று புலி படத்தின் பர்ஸ்ட் லுக் இப்படிதான் இருக்கும் என்று எதிர்பார்த்து காத்திருந்த விஜய் ரசிகர்கள் இந்த தகவலால் அதிர்ச்சியடைந்துள்ளனர்.
No comments:
Post a Comment