‘பாண்டியநாடு’ படத்திற்கு பிறகு விஷால்- சுசீந்திரன் கூட்டணி மீண்டும் ஒரு புதிய படத்தில் இணைய இருக்கிறது என்று நாங்கள் ஏற்கனவே அறிவித்திருந்தோம். இதில் விஷாலுக்கு ஜோடியாக காஜல் அகர்வால் நடிக்கிறார். இந்தப் படத்தை விஷால் பிலிம் பேக்டரி மற்றும் வேந்தர் மூவீஸ் ஆகிய நிறுவனங்கள் இணைந்து தயாரிக்கவுள்ளன.
சமீபத்தில், இந்த படத்திற்கு ‘வேட்டையன்’ என்று பெயர் வைத்திருப்பதாக அனைத்து இணையதளங்களில் செய்தி வெளியானது. ஆனால் அந்த தலைப்பை வேண்டாம் என கூறிவிட்டாராம் விஷால்.
ஏனென்றால் அதற்கு பின்னாடி ஒரு பெரிய கதையே இருக்கிறது. முதலில் இந்தப் படத்திற்கு ‘காவல் கோட்டம்' என்று பெயர் வைக்க முடிவு செய்திருந்தார் சுசீந்திரன். அதற்கு சிறிய தடங்கல் வந்ததால் படத்திற்கு ‘வேட்டையன்’ என பெயர் வைக்கலாம் என்று யோசித்தாராம்.
ஆனால் சந்திரமுகி படத்தை இயக்கிய பி.வாசு ஏற்கனவே வேட்டையன் என்ற பெயரை பதிவு செய்து வைத்திருந்தராம். இதனால் அவரை அணுகி அந்த தலைப்பை வாங்க நினைத்தனர். முதலில் மேலும் கீழும் பார்த்த பி.வாசு பின்னர் வேட்டையனை தர சம்மதித்தாராம். ஆனால் அதற்கு ஈடாக அவர் கேட்ட தொகை தான் விஷாலை தலைசுற்ற வைத்துவிட்டதாம்.
அவ்வளவு பெரிய தொகை கொடுத்து வாங்கும் அளவிற்கு வேட்டையனில் வெயிட் இல்லை எனவே அந்த தலைப்பு வேண்டாம் என்று கூறிவிட்டாராம் விஷால். மேலும் சுசீந்திரனிடம் ஏதாவது புது தலைப்பா யோசிங்க என்று கூறிவிட்டு சென்றுவிட்டாராம். இதனால் என்ன தலைப்பு வைக்கலாம் என்று ரூம் போட்டு யோசித்து வருகிறாராம் சுசீந்திரன்.
No comments:
Post a Comment