கடந்த சில வருடங்களாகவே சிம்புக்கும், தனுஷுக்கும் ஆகாது, ஒருவர் மூஞ்சியை இன்னொருவர் பார்க்க மாட்டார்கள் அப்படி.. இப்படி என்று ஒரு பக்கம் செய்திகள் வந்தாலும், நண்பேண்டா ரேஞ்சுக்கு செல்ஃபி எடுத்து ஃபேஸ்புக் மற்றும் டுவிட்டரில் போட்டு வருகின்றனர் தனுஷும், சிம்புவும்.
இதனால் அவர்கள் இருவரும் உண்மையாகவே நண்பர்களாக இருக்கிறார்களா..? இல்லை வெளியில் நண்பர்களாக இருப்பது போல் நடிக்கிறார்களா என்று ரசிகர்கள் யோசித்து கொண்டிருக்கையில் ஒரு டுவிட்டை போட்டு கோலிவுட்டையே ஆச்சரியப்படுத்திருக்கிறார் தனுஷ்.
அதென்ன டுவிட்...
‘இரண்டாம் உலகம்' தோல்விக்குப் பிறகு இயக்குநர் செல்வராகவன் என்ன செய்துகொண்டிருக்கிறார் என்றே தெரியவில்லை. சில மாதங்களுக்கு முன்பு ஒரு முன்னணி ஹீரோவை வைத்து ஒரு புதிய படம் எடுக்க இருக்கிறார் என்று செய்திகள் மட்டும் வந்தது. அதற்கு பிறகு அதுவும் இல்லை. எந்த ஹீரோவும் அவரை திரும்பி பார்க்கவில்லை. அவருடைய படத்தை தயாரிக்க எந்த தயாரிப்பாளரும் தயாராக இல்லை.
இந்த நிலையில் தான் விறுவிறுப்பான ஒரு காதல் கதையை தயார் செய்து, அதில் 'விண்ணைத்தாண்டி வருவாயா' படத்தில் நடித்த சிம்பு-த்ரிஷாவை ஜோடியாக்கி புதிய படம் ஒன்றை இயக்க முயற்சி மேற்கொண்டார் செல்வராகவன்.
படத்துக்கு கூட அலைவரிசை என்று தலைப்பு வைத்தனர். கடந்த ஆண்டு ஏப்ரல் இறுதியில் படப்பிடிப்பு தொடங்கும் என்று அறிவிப்பு வெளியானது. ஆனால் படம் குறிப்பிட்ட தேதியில் ஆரம்பிக்கப்படவில்லை. இடையில் என்ன நடந்ததோ தெரியவில்லை, காரணம் எதுவும் சொல்லாமலேயே படத்தை கைவிட்டனர்.
இந்நிலையில் செல்வராகவன் இயக்கும் புதிய படத்தில் சிம்பு நடிக்கவிருப்பது இப்போது உறுதியாகியுள்ளது. இதை தனுஷ் தன் டுவிட்டர் பக்கத்தில் அதிகாரபூர்வமாக அறிவித்துள்ளார். இதுகுறித்து தனுஷ் தனது டுவிட்டரில் கூறியதாவது, ''அண்ணன் செல்வராகவன் இயக்கத்தில் தம்பி சிம்பு நடிக்க இருக்கிறார். இந்தப் படம் மிக சிறப்பானதாக அமையும். சகோதரர்களுக்கு வாழ்த்துகள்'' என்று அதில் தெரிவித்துள்ளார்.
இது கைவிடப்பட்ட அலைவரிசை படம் தானா.. இல்லை அந்த கதையையே தூசி தட்டி எடுக்கிறார்களா என்று தெரியவில்லை. ஆனால் எலியும், பூனையுமாக கருதப்பட்ட தனுஷ் எப்படி சிம்பு படத்தை பற்றி வெளியிட்டார் என்று ஆச்சரியப்படுகிறது கோலிவுட்..
No comments:
Post a Comment