ஐஸ்வர்யா ராய்க்கு இதெல்லாம் தேவையா..

முன்னாள் உலக அழகியும், பாலிவுட் நடிகையுமான ஐஸ்வர்யா ராய் நடிகர் அபிஷேக் பச்சனை திருமணம் செய்துக்கொண்டு, குழந்தைப் பெற்ற பிறகு சினிமாவை ஓரமாக மூட்டைக் கட்டி வைத்தார்.

எப்படியாவது அவரை மீண்டும் நடிக்க வைக்கவேண்டும் என பல இயக்குநர்கள் முயற்சி செய்தனர். ஆனால் அப்போது முடியாமல் போனது. தற்போது அவருடைய குழந்தை வளர்ந்து விட்டதால் 4 வருடங்களுக்கு பிறகு மீண்டும் நடிப்பில் இறங்கிவிட்டார்.

சஞ்சய் குப்தா இயக்கும் ஜாஸ்பா படத்தில் மீண்டும் நடிக்க ஆரம்பித்துவிட்டார் ஐஸ்வர்யாராய். படப்பிடிப்புகள் தொடங்கி விட்டது. இதில் ஐஸ்வர்யாராயுடன் அனுபம் கேர், இர்பான் கான், ஷபனா ஆஸ்மியும் நடிக்கிறார்கள். மும்பையில் நடந்து வரும் இந்தப் படத்தின் படப்பிடிப்பிற்கு ஐஸ்வர்யா தினமும் 12 பாதுகாப்பாளர்களுடன் வருகிறார்களாம்.

அவர்களில் மூன்று பேர் துப்பாக்கி வைத்திருக்கிறார்கள். எல்லோர் கையிலும் டார்ச்லைட் இருக்கிறது. டார்ச்சின் பின்புறத்தை தடியாக உபயோகப்படுத்தலாம். ஐஸ்வர்யா வீட்டில் இருந்து கிளம்பும்போது தனி வாகனத்தில் தயாராக இருக்கும் இவர்கள் அவரது காருக்கு பின்னால் செல்கிறார்கள்.

படப்பிடிப்பு தளத்தில் தூரமாக நின்று கொண்டு அவரை கவனித்துக் கொண்டிருக்கிறார்கள். அவர் செல்லும்போது கூடவே சென்று வீட்டில் விடுகிறார்கள். சிவப்பு விளக்கும், ஆம்புலன்சும் மட்டும் இருந்தால் ஒரு அமைச்சரின் கான்வாய் மாதிரி இருக்கும். இந்த பாதுகாவலர்களுக்கு மாதம் 40 லட்சம் ரூபாய் செலவாகிறதாம். இதனை தயாரிப்பாளர் ஏற்றுக் கொண்டிருக்கிறாராம்.

படத்தின் பெரும்பகுதி படப்பிடிப்பு மக்கள் கூடும் பொது இடங்களில் நடக்க இருக்கிறது. அப்போது ரசிகர்களிடமிருந்து ஐஸ்வர்யாவை பாதுகாக்கவே இந்த ஏற்பாடு என்கிறார்கள். என்னதான் பாதுகாப்பு என்றாலும் இப்படியா முடியல...