முன்னாள் மத்திய அமைச்சர் சசி தரூரின் மனைவி சுனந்தா புஷ்கர் கடந்த 2014 ஜனவரி 17ம் தேதி புது தில்லி ஹோட்டல் ஒன்றில் மர்மமான முறையில் இறந்தார். இந்த வழக்கை டெல்லி சிறப்பு சி.பி.ஐ. போலீஸ் விசாரித்து வருகிறது.
இந்த வழக்கு குறித்து பல கருத்துக்கள் நிலவி வருகின்றன. ஐபிஎல் முறைகேட்டில் சசிதரூர் சம்பந்தப்பட்டு இருப்பது இவரது மரணத்திற்கு காரணம் என்ற கோணத்திலும் அல்லது சசிதரூரே அவரது மரணத்திற்கு காரணமாக இருக்கக் கூடும் என்பது போன்ற கோணத்தின்லும் என்று பல கோணங்களில் இந்த வழக்கு விசாரிக்கப்பட்டு வருகிறது.
இந்நிலையில், கடந்த ஜனவரி 19ம் தேதி இரவு டெல்லி காவல்துறை சி.பி.ஐ. அலுவலகத்தில் இவ்வழக்கு குறித்து சசி தரூரிடம் விசாரணை மேற்கொள்ளப்பட்டது. அதை அடுத்து, இரண்டாவது முறையாக நேற்றைய முந்தினம், காலை முதல் மாலைவரை சுமார் 7 மணி நேரம் தொடர்ந்து சசி தரூரிடம் விசாரிக்கப்படுகிறது.
இந்த விசாரணையில், ஐ பி எல் முறைகேடு குறித்து விசாரிக்கப்பட்டதாக தெரிவிக்கப்பட்டுள்ளது. கடந்த மாதம் விசாரிக்கப்பட்ட போதும், இதே ஐ பி எல் சூதாட்டம் குறித்து விசாரிக்கப்பட்டதாக தெரிவிக்கப்பட்டது குறிப்பிடத்தக்கது.
சுனந்தாவின் உடல் பிரேதப் பரிசோதனையின் போது அவரது உடலில் இருந்து எடுக்கப்பட்ட மாதிரிகள், குடல் போன்ற உள்ளுறுப்புகள் மீண்டும் தீவிர பரிசோதனைக்காக அமெரிக்காவுக்கு அனுப்பப்பட்டது. அதே நாளில் தான் சசிதரூரிடம் 2-வது கட்ட விசாரணை தொடங்கியது குறிப்பிடத்தக்கது.
No comments:
Post a Comment