தமிழ் சினிமாவில் முன்னணி நடிகராக இருப்பவர் தனுஷ். இவர் சினிமாவிற்கு வந்த புதிதில் இவரெல்லாம் நடிகரா..? என்று கேட்டவர்கள் தற்போது இவரல்லவா..? நடிகர் என்று ஆச்சரியப்படுகிறார்கள். அந்த அளவுக்கு தன் திறமைகளை தமிழ் சினிமாவில் நிரூபித்து வருகிறார் தனுஷ்.
நடிகராக மட்டுமில்லாமல் பாடகர், பாடலாசிரியர், தயாரிப்பாளர் என பல அவதாரங்கள் எடுத்து தமிழ் சினிமாவின் பெருமையை இந்திய அளவிற்கு கொண்டு சென்றிருக்கிறார். ஆனால் இவரை எல்லோரும் கிண்டல் செய்தார்களாம். கிண்டல் செய்யாதவர்களே யாருமில்லையாம். இதை தனுஷே சொல்லியிருக்கிறார்.
தனுஷ் நடிப்பில் நேற்று வெளிவந்த அனேகன் படம் ரசிகர்களிடையே நல்ல வரவேற்பை பெற்றுவருகிறது. இப்படத்தின் புரோமோஷனுக்காக விஜய் சேதுபதி, அனிருத், சதீஸ் ஆகியோர் தனுஷை கேள்வி கேட்பது போல் ஒரு நிகழ்ச்சி நடத்தினர்.
இதில் தனுஷிடம் நீங்கள் நடிக்க வந்த போது யாராவது கிண்டல் செய்தார்களா..? என்று கேட்க, அதற்கு அவர் ‘என்னை கிண்டல் செய்யாதவர்கள் யாரும் இல்லை. என்னை எப்படியெல்லாம் கலாய்த்தார்கள் தெரியுமா.. முதலில் ரிக்ஷாகாரன் என்றார்கள், தற்போது என் உருவத்தை கிண்டல் செய்கிறார்கள்.
ஆனால், என்னை பொறுத்தவரை திறமை இருந்தால் எங்கும், எதிலும் வெற்றி பெறலாம். மேலும், திறமை இருப்பவர்கள் அனைவரும் ஹீரோ தான், என்னை யார் கலாய்த்தாலும் கவலையில்லை’ என்று கூறியுள்ளார்.

No comments:
Post a Comment