காதலர் தின கொண்டாட்டத்துக்கு பச்சைக் கொடி காட்டியது போலீஸ்…!!

சென்னையில் காதலர் தினம் கொண்டாட தடை ஏதும் விதிக்கப் படவில்லை என்று சென்னை மாநகர போலீஸ் சார்பாக தெரிவிக்கப்பட்டுள்ளது.

இருப்பினும், காதலர் தினவிழா என்ற பெயரில் ஆபாச நடன நிகழ்ச்சிகள், பொதுமக்கள் கூடும் இடங்களில் அநாகரிகமாக நடத்தல், ஈவ்டீசிங் இப்படி ஏதாவது செய்தால் நாங்கள் பொருத்துக் கொண்டு இருக்க மாட்டோம் என்றும் போலீஸ் தரப்பில் இருந்து கூறப்பட்டுள்ளது.

காதலர் தினக் கொண்டாட்டம்

பிப்ரவரி 14ம் தேதி உலகம் முழுவதும் காதலர் தினம் கொண்டாடப்படுவது வழக்கம். அதனடிப்படையில், இந்தியாவிலும், சென்னை உள்ளிட்ட பெரிய நகரங்களில் கேக் வெட்டி, பரிசுப் பொருட்கள் கொடுத்து, வெளியில் சுற்றியும் காதலர் தினம் கொண்டாடப்படுகிறது.

இத்தினத்தை முன்னிட்டு பூங்காங்க்கள், கடற்கரைகள், ஆகிய இடங்களில் ஆட்டம் பாட்டம் கொண்டாட்டம்மு, நட்சத்திர ஓட்டல்களில் பார்டியும் வைக்கப்படுவது வழக்கம்.

பெரும்பாலும் இளம் காதலர்களே இத்தினத்தை கொண்டாடினாலும், புதிதாகத் திருமணமான ஜோடி, வயதான ஜோடி என எல்லா தரப்பு காதலர்களும் இந்நாளை மகிழ்ச்சியாகக் கொண்டாடி வருகின்றனர்.

இது தவிற காதல்வசப்படாதவர்களும், இந்நாளை காதலுக்கான ஒரு பெரிய வாய்ப்பாகவே கருதுகின்றனர்.

காதலர் தின எதிர்ப்பு

பெரும்பாலும் இளைஞர்களே கொண்டாடும் இந்த கொண்டாட்டங்களுக்கு பலர் ஆதரவளித்தாலும் இந்து மகாசபா உள்ளிட்ட இந்துத் துவ அமைப்புகள் சில எதிர்ப்பு தெரிவித்து வருகின்றன.

இந்த காதலர் தினம் கொண்டாடுவது மேற்கத்திய கலாச்சாரம் என்றும் எனவே இந்த கொண்டாட்டங்களால், இந்தியக் கலாச்சாரம் கெடுவதாகவும் இவர்கள் கூறுகின்றனர். ஏற்கனவே சில தினங்களுக்கு முன் கழுதைக்கும் நாய்க்கும் திருமணம் செய்து தங்கள் எதிர்பை வெளிப்படுத்தியது இந்த கோஷ்டி.

அது மட்டுமல்லாது, இன்று யாராவது ஒன்றாக சுற்றுவதைப் பார்த்தால் அவர்களை பிடித்து கல்யாணம் செய்து வைப்போம் என்றும் இல்லை குறைந்த பட்சம் பெற்றொரிடமாவது போட்டுக் கொடுப்போம் என்று எச்சரிக்கை விடுத்திருந்தன இவ்வமைப்புகள்.

ஓ.கே. சொன்ன போலீஸ்

இந்நிலையில், போலீசார் இந்த காதலர் தினத்தன்று யார் பக்கம் இருப்பார்கள் என்று இரு தரப்பினரும் பெரும் பதை பதைப்புடன் இருந்தனர். இறுதியாக இன்று காலை, காதலர் தினக் கொண்டாட்டங்களுக்கு தடை இல்லை என்று போலீசார் தரப்பில் தெரிவிக்கப்பட்டது.