குளிர் ஜுரத்துடன் இன்று பதவியேற்கிறார் கெஜ்ரிவால்…!!

புது தில்லி சட்ட சபைத் தேர்தலில் 70 தொகுதிகளில் 67 தொகுதிகளை வென்று அரவிந்த் கெஜ்ரிவாலின் ஆம் ஆத்மி கட்சி அபார வெற்றி கண்டது.

இதை அடுத்து எம்.எல்.ஏ.க்கள் கூட்டத்தில் ஆம் ஆத்மி தலைவர் கெஜ்ரிவால் முதல்-மந்திரியாக தேர்ந்தெடுக்கப்பட்டார்.

தொடர்ந்து டெல்லியில் ஆட்சி அமைக்க துணைநிலை கவர்னர் நஜீப் சுங்கை சந்தித்து உரிமை கோரினார் கெஜ்ரிவால். இதனை அடுத்து இன்று பிற்பகல் 2 மணிக்கு டெல்லி ராம் லீலா மைதானத்தில் டெல்லி மக்கள் முன்னிலையில் பதவியேற்க உள்ளார் கெஜ்ரிவால்.

இதற்கான ஏற்பாடுகள் நடந்து வருகின்றன. இன்று கெஜ்ரிவாலுடன் 5 மந்திரிகளும் பதவியேற்றுக் கொள்கின்றனர். தேசிய அளவிலான அரசியலை கவணிப்பதற்கு ஏதுவாக கெஜ்ரிவால் டெல்லி மாநில அரசியல் பணிகளை ஏற்றுக் கொள்கிறார்.

துனை முதல்வராக பதவியேற்கவுள்ள மணிஷ் சிசோடியா தில்லி மாநில பணிகளை ஏற்ற்குக் கொள்வார் என்று ஆம் ஆத்மி வட்டாரங்கள் தெரிவிக்கின்றன. இந்நிலையில் கெஜ்ரிவாலுக்கு கடந்த 4 நாட்களாக காய்ச்சலாம்.

பதவியேற்ப்பு விழாவிற்கு பிரதமர் மோடி, உள்துறை அமைச்சர் ராஜ்நாத் சிங் ஆகியோரை காய்ச்சலுடனே சென்று அழைப்பு விடுத்தாராம் கெஜ்ரிவால். இது தவிற அண்ணா ஹசாரே, எதிர்கட்சி வேட்பாளராக போட்டியிட்ட கிரன்பேடி, மத்திய நகர்புற வளர்ச்சி மந்திரி வெங்கையா நாயிடு உள்ளிட்டோருக்கு அழைப்பு விடுக்கப்பட்டுள்ளது.

இதில் மோடியும், ராஜ்நாத் சிங்கும் டெல்லியில் இல்லாததால், விழாவிற்கு வருவது சாத்தியமே இல்லை. ஏனையவர்களில் எத்தனை பேர் வருவார்கள் என்பதும் விழா ஆரம்பிக்கும் முன் தான் தெரியவருமாம்.

டெல்லி வட்டாரத் தகவல்களின் படி, கோபால் ராய், சத்யேந்திர ஜெயின், சந்தீப் குமார், ஜிதேந்திர தோமார், அசிம் அகமதுகான் ஆகியோர் கேபினட் மந்திரிகளாக நியமிக்கப்படுவார்கள் என்று கூறப்படுகிறது.

இந்த மந்திரிகள் அனைவருமே இப்போது இருப்பவர்களை விட வயதில் இளையவர்கள். இதனடிப்படையில் பார்த்தால் கெஜ்ரிவாலின் மந்திரிக் குழு தான் நாட்டின் இளம் அமைச்சர்களைக் கொண்ட மந்திரிக் குழு. ஆக, நாட்டின் தலைநகர் இளைய மந்திரிகளின் கட்டுப் பாட்டிற்கு வருகிறது. இவர்கள் அளவு இந்தியாவை ‘மேம்படுத்தப் போகிறார்கள்’ என்று பொருத்திருந்து தான் பார்க்க வேண்டும்.