சுவிஸ்ஸில் பெருகி வரும் வேலையின்மை!! திண்டாட்டத்தில் வெளிநாட்டவர்!!

சுவிட்சர்லாந்தில் இந்த மாதமும் வேலையின்மை அதிகரித்துள்ளதாக அதிகாரப் பூர்வ தகவல்கள் வெளியாகியுள்ளன.

கடந்த செவ்வாய் அன்று சுவிட்சர்லாந்து அரசு வெளியிட்டுள்ள அதிகாரப் பூர்வ புள்ளி விவரத்தின் அடிப்படையில், கடந்த 5 மாதங்களாக வேலையின்மை சதவீதம் அதிகரித்து வருவது தெரியவந்துள்ளது.

சுவிட்சர்லாந்தின் பொருளார விவரங்களின் நிர்வாகமான SECOவின் அறிக்கையின் படி, கடந்த டிசம்பரில் 3.4 ஆக இருந்த வேலையின்மை விகிதம், ஜனவரியில் 3.5 ஆக உயர்ந்துள்ளது.

மேலும், கடந்த ஜனவரி மாதம், மொத்தம் 1,50,946 பேர் வேலை வாய்ப்பு அலுவலகத்தில் வேலை வேண்டி பதிவு செய்துள்ளனர். இது அதற்கு முந்தைய மாதமான டிசம்பரை விட 3577 அதிகம் என்பது குறிப்பிடத்தக்கது.

எனவே, டிசம்பரில் 6.8 சதவிகிதமாக இருந்த வேலையில்லாத வெளிநாட்டவர்களின் சதவிகிதம் சனவரியில் 7.1 சதவிகிதமாக உயர்ந்துள்ளது தெரியவந்துள்ளது.

இதனால் சுவிஸ்ஸிற்கு வேலை தேடிவரும் வெளிநாட்டவர் மற்றும், அகதிகளின் நிலை சற்று திண்டாட்டத்திற்கு உள்ளாகியுள்ளது. இந்நிலையில், சுவிஸ் அரசு, வேலை தேடி வரும் வெளிநாட்டவரை விட அகதிகளுக்கு வேலை வாய்ப்பில் முன்னுரிமை தருவதாக உறுதியளித்துள்ளது.