ஸ்ரீரங்கம் தேர்தலில், பணம் கொடுத்து கையும் களவுமாக சிக்கிய அ.தி.மு.க.,வினர்…!!

தமிழகமே எதிர்பார்த்துக் கொண்டிருந்த ஸ்ரீரங்கம் இடைத்தேர்தல் பரபரப்புடனும், மிகுந்த பாதுகாப்புடனும் இன்று நடந்து வருகிறது. 322 வாக்குச் சாவடிகளில் இன்று காலை 7 மணிக்கு துவங்கிய வாக்குப் பதிவு மாலை 6 மணிக்கு நிறைவுறும்.

இந்தியாவிலேயே முதன் முறையாக இந்த தேர்தலில், வாக்கு பதிவித்ததும், டேப்லட் கணிணி மூலம் தேர்தல் கண்காணிப்பாளர்களுக்கு தகவல் செல்லும் வசதி அறிமுகப்படுத்தப்பட்டுள்ளது. இது தவிற, சில வாக்குச் சாவடிகளுக்கு மூன்றடுக்கு பாதுகாப்பும், துனை இராணுவப் பாதுகாப்பும் வழங்கப் பட்டுள்ளது.

இந்த ஸ்ரீரங்கம் இடைத் தேர்தல் 100 சதவீதம் நேர்மையாக நடக்கும் என்று தமிழக தேர்தல் ஆணையத்தின் உயர் அதிகாரி சக்சேனா தெரிவித்தார். இந்நிலையில், பயங்கர பாதுகாப்பையும், எதிர்பபையு மீறி பெருகமணி பகுதியில், அ.தி.மு.க.,வினர் சிலர் பணப்பட்டுவாடா செய்வதாக போலீசாருக்கு தகவல் வந்துள்ள்து.

இதனையடுத்து போலீசார் நடத்திய அதிரடி சோதனையில் வாக்காளர்களுக்கு பணப்பட்டுவடா செய்ய பெருக மணியில் வீடொன்றில் பணத்துடன் பதுங்கியிருந்த அ.தி.மு.க.,வினர் 4 பேர் கைது செய்யப்பட்டுள்ளனர். அவர்களிடம் இருந்த பணமும் கைப்பற்றப்பட்டுள்ளது.