கார்த்தி, லட்சுமி மேனன், ராஜ்கிரண் நடிப்பில் முத்தையா இயக்கத்தில் பல தடைகளை தாண்டி வெளிவந்து, வெற்றிகரமாக ஓடிக்கொண்டிருக்கும் படம் ’கொம்பன்’.
ஜி.வி பிரகாஷ் இசையமைப்பில் வெளிவந்திருக்கும் இப்படத்தின் பாடல்கள் ரசிகர்களிடையே நல்ல வரவேற்பை பெற்றுள்ளன. மேலும் இந்தப் படத்தில் லட்சுமி மேனனின் அழகைப் பற்றியும், நடிப்பைப் பற்றியும் பாராட்டித் தள்ளுகிறார்கள் ரசிகர்கள். அதற்கு முக்கியமான காரணம் படத்தின் ஒளிப்பதிவாளர் வேல்ராஜ்.
படத்தில் லட்சுமி மேனனை, லட்சுமிகரமாகக் காட்ட வேண்டும் என்பதற்காக, அவர் அவ்வளவு சிரமப் பட்டாராம். ஏன் நாயகி லட்சுமி மேனனை லவ் பண்ணவே ஆரம்பித்து விட்டாராம் வேல்ராஜ். இப்படி சொன்னது வேறு யாருமல்ல படத்தின் இயக்குநர் முத்தையாவும், படத்தின் நாயகன் கார்த்தியும் தான்.
நேற்று தொலைக்காட்சி ஒன்றிற்கு பேட்டிஅளிக்கும் போதுதான் அவர்கள் இப்படிச் சொன்னார்கள். அவர்கள் அப்படிச் சொன்னதைக் கேட்டு வேல்ராஜ் கோபித்துக் கொள்ளாமல் சிரிக்க மட்டுமே செய்தார். 'கொம்பன்' படத்தில் வேல்ராஜின் ஒளிப்பதிவு படத்துக்கு முதுகெலும்பாக அமைந்துள்ளது என்று படம் பார்த்த பலரும் பாராட்டுகிறார்கள்.
'வேலையில்லா பட்டதாரி' படத்தின் மூலம் இயக்குநராகவும் அறிமுகமான வேல்ராஜ், இப்போது மீண்டும் தனுஷ் நடிக்கும் படத்தை இயக்கி வருகிறார் என்பது குறிப்பிடத்தக்கது.
No comments:
Post a Comment