புலி படத்திற்கு முற்றுப்புள்ளி..!

விஜய் தற்போது சிம்பு தேவன் இயக்கும் புலி படத்தில் நடித்து வருகிறார் என்று நமக்கு தெரியும்.

இப்படத்தில் விஜய்க்கு ஜோடியாக ஸ்ருதிஹாசன் மற்றும் ஹன்சிகா நடிக்கின்றனர். நீண்ட இடைவெளிக்கு பிறகு ஸ்ரீதேவியும் , ‘நான் ஈ’ சுதீப்பும் முக்கிய கதாபாத்திரத்தில் நடித்து வருகின்றனர்.

சரித்திர கால திரைப்படமாக உருவாகிவரும் இப்படத்தில் விஜய் மூன்று வேடங்களில் நடிக்கிறார் என்று சமீபத்தில் செய்திகள் வெளியானது. ஆனால் இந்த செய்தியை புலி படத்தின் தயாரிப்பு நிறுவனம் மறுத்துள்ளது.

புலி படத்தின் தயாரிப்பு நிறுவனமான எஸ்.கே.டி ஸ்டுடியோஸ் நிறுவனம் இன்று தனது சமூக வலைத்தள பக்கத்தில் 'புலி படத்தில் விஜய் மூன்று வேடங்களில் நடித்து வருவதாக வெளிவந்துள்ள தகவல் முற்றிலும் வதந்திதான் என்றும், இந்த படத்தில் விஜய் இரண்டு வேடங்களில் மட்டுமே நடித்து வருவது தான் உண்மை' என்று பதிவு செய்யப்பட்டுள்ளது.

தற்போது சென்னையில் நடைபெற்று வரும் புலி படத்தின் படப்பிடிப்பு நாளையுடன் முடிவடைவதாகவும், அதன் பின்னர் படக்குழுவினர் கேரளா செல்லவுள்ளதாகவும் தகவல்கள் கூறுகின்றன.