ஆஸ்திரேலியாவில் உலகக் கோப்பை போட்டிகள் விழாக்கோலம் பூண்டுள்ளது. சிறந்த அணிகளின் அணி வகுப்பாய் போட்டிகள் நடைபெற்று வரும் அதே வேளையில் தமிழ் சினிமா கொண்டாடக்கூடிய ஒரு நிகழ்வும் நடந்துள்ளது.
இயக்குனர் மிஷ்கினின் உதவியாளர் வடிவேல் இயக்கியுள்ள ‘கள்ளப்படம்’ ஆஸ்திரேலியாவில் ஜூலை 2 முதல் 12 வரை நடைபெறும் ‘ரேவலஷன் பெர்த் சர்வதேச திரைப்பட விழா” மற்றும் செப்டம்பர் 11 முதல் 20 வரை நடை பெறவுள்ள மெல்போர்ன் அன்டர்கிரவுண்ட் திரைப்பட விழா ஆகிய விழாக்களில் தேர்வு செய்யப்பட்டுள்ளது. “
‘கள்ளப்படம்’ சர்வதேச திரைப்பட விழாக்களில் தேர்வு செய்யப்பட்டுள்ளது எங்களுக்கு மிகவும் சந்தோஷமாக உள்ளது. ஒரு கமர்ஷியல் படம், அதன் கதைக்காக ஒரு திரைப்படவிழாவில் அனைவரையும் கவரும் என்ற நம்பிக்கையில் அனுப்பினோம். வெளிநாட்டு திரைப்படங்களுக்கான பட்டியலில் தேர்வாகியுள்ளது.
நான்கு இளைஞர்கள் அவர்களது முதல் பட வாய்ப்புக்காக சந்திக்கும் விஷயங்களின் கோர்வையே இப்படம் “ என பெருமிதத்துடன் கூறினார் புதுமுக இயக்குனர் வடிவேல்.
No comments:
Post a Comment