'கடல்' படத்துக்குப் பிறகு மணிரத்னம் இயக்கியுள்ள படம் 'ஓ காதல் கண்மணி'.
அலைபாயுதே படத்திற்கு பிறகு முழுக்க முழுக்க காதலை மையமாகக் கொண்டு மணிரத்னம் இயக்கியுள்ள இப்படத்தில் ஹீரோவாக துல்கர் சல்மானும், ஹீரோயினாக நித்யா மேனனும் நடித்துள்ளனர். மேலும் பிரகாஷ்ராஜ், கனிகா ஆகிய இருவரும் முக்கியக் கதாபாத்திரங்களில் நடித்துள்ளனர்.
மெட்ராஸ் டாக்கீஸ் தயாரித்துள்ள இப்படத்துக்கு ஏ.ஆர்.ரஹ்மான் இசையமைத்துள்ளார். பி.சி.ஸ்ரீராம் ஒளிப்பதிவு செய்துள்ளார். வைரமுத்து பாடல்களை எழுதியுள்ளார்.
சமீபத்தில் இப்படத்தின் மென்டல் மனதில் பாடல் டீஸர் வெளியிடப்பட்டது. அதைதொடர்ந்து இப்படத்தின் சிங்கிள் ட்ராக்கான மெண்டல் மனதில் பாடலை நேற்று முன்தினம் இரவு 12 மணிக்கு வெளியிடப்பட்டது. தற்போது இப்பாடல் ரசிகர்களை வெகுவாக கவர்ந்து வருகிறது. இந்த பாடலை ஏ.ஆர்.ரஹ்மான் மற்றும் மணிரத்னம் இணைந்து எழுதியதாக செய்திகள் கூறுகின்றன.
விரைவில் இசைவெளியீட்டையும், ஏப்ரல் 10ஆம் தேதி படத்தையும் வெளியிட முடிவு செய்துள்ளனர் படக்குழுவினர். இதே நாளில், ரமேஷ் அரவிந்த் இயக்கத்தில், கமல் நடிப்பில் உருவான 'உத்தம வில்லன்' படமும் வெளியாக உள்ளது குறிப்பிடத்தக்கது.
No comments:
Post a Comment