அமெரிக்காவில் அமெரிக்க பிரஜை ஒருவர் இந்தியாவில் இருந்து அமெரிக்கா சென்று வாழ்ந்து வந்த ஒருவர் மீது இனவெறித் தாக்குதல் நடத்திய வழக்கில், அவர் மீது குற்றம் உள்ளதை ஒப்புக் கொண்டுள்ளார்.
கடந்த 2012ம் ஆண்டு டிசம்பர் 27-ம் தேதி, எரிகா மெனெண்டெஸ் என்ற அமெரிக்கப் பெண்மனி, தி குவீன்ஸ் நகரின் ரயில் நிலையத்தில் சென்று கொண்டிருந்த 46 வயதான அமெரிக்க வாழ்-இந்தியர், சுனந்தோ சென் என்பவரை வேகமாக வந்த ரயில் மீது தள்ளி விட்டார்.
அடிபட்ட சுனந்தோ சென், படுகாயமுற்று சம்பவ இடத்திலேயே மாண்டு போனார். இதன் பின்னர் மெனெண்டஸ் மீது வழக்கு தொடரப்பட்டு விசாரணை நடந்து வந்தது. இந்த விசாரணைகளின் முடிவில், மெனெண்டஸ் அதிர்ச்சி அளிக்கு வாக்குமூலத்தை கொடுத்துள்ளார்.
இந்த வாக்குமூலத்தில், 2001ம் ஆண்டு அமெரிக்காவின் டுவின் டவர் தாக்குதலில் நடந்தது முதலே தனக்கு முஸ்லீம்களையும், இந்துக்களையும், பிடிக்கவில்லை என்றும், தனக்கு கிடைக்கும் சந்தர்பங்களில் எல்லாம், இந்த இரு மதத்தவர்களையும் கொலை செய்து வருவதாகவும் கூறினார்.
மேலும், சுனந்தோவை 3 நாட்கள் பிந்தொடர்ந்துச் சென்று தகுந்த சந்தர்ப்பத்தை அடுத்தே இந்த கொலையை செய்ததாகவும் தெரிவித்துள்ளார். இதைக் கேட்ட நீதிபதி, வழக்கின் தீர்ப்பை வரும் 29ம் தேதி தண்டனையை அறிவிப்பதாக வழக்கை ஒத்தி வைத்துள்ளார்.
இனவெறித் தாக்குதல் நடத்தி இருக்கும், மெனெண்டஸுக்கு 22-25 ஆண்டுகள் வரை தண்டனை கிடைக்கலாம் என்று எதிர்ப்பர்க்கபடுகிறது.
கடந்த சில மாதங்களில், இந்து கோயிலில் தகாத படமும் வார்த்தைகளும் எழுதியது, இந்திய பல் மருத்துவ மாணவி ஒருவர் வீட்டினுள் கொலை செய்யப்பட்டது, சீக்கிய சிறுவன் ஒருவன் சக மானவர்களால் கேலி செய்யப்பட்டது உட்பட அமெரிக்காவில் இந்தியர்கள் மீதான இனவெறித் தாக்குதல் அதிகரித்து வருவது குறிப்பிடத்தக்கது.
No comments:
Post a Comment