அமெரிக்காவின் முன்னிலை பாடகியான டெய்லர் ஸ்விப்ட் (taylor swift) தனது கால்களை 4 கோடி டாலர்களுக்கு (சுமார் 520 கோடி ரூபா) காப்புறுதி செய்துள்ளதாக தகவல்கள் வெளியாகியுள்ளன.
25 வயதான டெய்லர் ஸ்விப்ட், புதிய இசைச்சுற்றுலா ஒன்றை ஆரம்பிக்கவிருக்கும் நிலையில் அவர் தனது கால்களை காப்புறுதி செய்துள்ளார். தனது கால்களுக்கு ஏதேனும் தீங்கு ஏற்பட்டு, மேடைகளில் நடனமாட முடியாமல் போனால் தனது இசைச்சுற்றுலா பாதிக்கப்படக்கூடும் என்பதால் அவர் இத்தீர்மானத்தை மேற்கொண்டாரெனக் கூறப்படுகிறது.
அமெரிக்க ஊடகங்களில் இது குறித்த செய்திகள் வெளியான கடந்த திங்கட்கிழமை, கலிபோர்னியா மாநிலத்தின் மேற்கு ஹாலிவுட் பகுதியில் தனது நீண்ட கால்கள் வெளிப்படும் விதமாக ஆடையணிந்து ஷாப்பிங்கில் ஈடுபட்டிருந்தார் டெய்லர் ஸ்விப்ட்.
"1989 உலக சுற்றுலா" எனும் பெயரிலான தனது உலகளாவிய இசைச் சுற்றுலாவை மே மாதம் 5 ஆம் தேதி டோக்கியோவில் டெய்லர் ஸ்விப்ட் ஆரம்பிக்கவுள்ளமை குறிப்பிடத்தக்கது.
No comments:
Post a Comment