அமெரிக்க, சீன, ஹாங்காங், தாய்வான் கூட்டுத் தயாரிப்பில் உருவாகி 2000 ஆம் ஆண்டு வெளியான குரொச்சிங் டைகர், ஹிடன் ட்ரகன் எனும் திரைப்படத்தில் நடித்ததன் மூலம் சர்வதேச புகழ்பெற்றவர் நடிகை சாங் சீயீ (Zhang Ziyi).
கடந்த திங்கட்கிழமை அவரின் 36 வது பிறந்த தினம் சீனாவில் கொண்டாடப்பட்டது. இப்பிறந்த நாள் விழாவில் சாங் சீயீயின் காதலரான பாடகர் வாங் பெங்கும் பங்குபற்றினார்.
இந்த ஜோடியினர் பெரிய கேக் ஒன்றில் அருகில் நின்றுகொண்டிருக்கும்போது திடீரென ஆளில்லா விமானமொன்று பறந்து வந்தது. அவ்விமானத்திலிருந்து மோதிரமொன்றை எடுத்த வாங் பெங், நடிகை சாங் சீயீயின் முன்னால் முழந்தாள் மடித்து தன்னை திருமணம் செய்துகொள்ளுமாறு கேட்க, சாங் சீயீ சம்மதம் தெரிவித்தார்.
நடிகை சாங் சீயீக்கு இதுவே முதல் திருமணமாக அமையவுள்ளது. 43 வயதான பாடகர் வாங் பெங் ஏற்கெனவே இருதடவை திருமணம் செய்தவர். இரண்டாவது மனைவியை 2013 ஆம் ஆண்டு விவா கரத்து செய்திருந்தார்.

No comments:
Post a Comment