கனடாவின் ஹலிபக்ஸ் பிரதேசத்தில் ஒரே சமயத்தில் பலரை துப்பாக்கியால் சுட்டு படுகொலை செய்வதற்கு முன்னெடுக்கப்பட்டிருந்த சதித்திட்டமொன்று சனிக்கிழமை முறியடிக்கப்பட்டுள்ளதாக அந்நாட்டு போலிஸார் தெரிவித்தனர்.
3 சந்தேக நபர்கள் கைது செய்யப்பட்டதுடன் நான்காவது சந்தேக நபர் போலிஸார் அவரது வீட்டை சுற்றி வளைத்த போது தன்னைத்தானே சுட்டு தற்கொலை செய்து கொண்டுள்ளார். அவர்களில் குறைந்தது இருவர் பொதுமக்கள் மத்தியில் சென்று துப்பாக்கிச்சூட்டை நடத்திய பின்னர் தற்கொலை செய்து கொள்ள திட்டமிட்டிருந்ததாக போலிஸார் கூறுகின்றனர்.
அவர்கள் படுகொலை குழுவொன்றின் உறுப்பினர்கள் என நீதி அமைச்சர் பீட்டர் மர்கே தெரிவித்துள்ளார். கலாசார வேறுபாடுகளால் மேற்படி தாக்குதல் சதித்திட்டம் தூண்டப்படவில்லை என்பதால் அது தீவிரவாதத்துடன் தொடர்புபட்டதல்ல என அவர் கூறினார்.
இந்த சதித்திட்டத்தில் முக்கிய பங்கு ஹலிபக்ஸின் புறநகரப்பகுதியைச் சேர்ந்த 19 வயது இளைஞர் மற்றும் அமெரிக்காவைச் சேர்ந்த 23 வயது பெண் ஆகியோர் கொண்டுள்ளதாக கனேடிய போலிஸ் அதிகாரியான பிறையன் பிரென்ஸ் தெரிவித்தார். போலிஸார் கைது செய்ய சென்ற வேளை 19 வயது இளைஞன் தன்னைத் தானே சுட்டு தற்கொலை செய்து கொண்டுள்ளான்.
ஹலிபக்ஸ் ஸ்டான் பீல்ட் சர்வதேச விமான நிலையத்தில் வைத்து 20 வயது கனேடிய இளைஞர் ஒருவரும் பெண்ணொருவரும் கைது செய்யப்பட்டுள்ளனர். மற்றொரு சந்தேக நபரான 17வயது கனேடிய சிறுவன் அவளது வீட்டில் வைத்து கைது செய்யப்பட்டு விசாரணைக்கு உட்படுத்தப்பட்டுள்ளார்.
No comments:
Post a Comment