கடந்த சில நாட்களாக கெளதம் மேனனிடம் என்னை அறிந்தால் படத்தின் இரண்டாம் பாகத்தை எடுக்கிறீங்களா..? இல்லையா..? எப்போ எடுக்கிறீங்க.. யார் யார்..? நடிக்கிறாங்க அப்படி.. இப்படினு நோண்டி நொங்கெடுக்க ஆரம்பித்துவிட்டார்கள் ஒரு சில பத்திரிக்கையாளர்கள்.
இந்த கேள்விகளுக்கெல்லாம் கெளதம் மேனன் என்ன பதில் சொல்கிறாரோ, தெரியாது. அவர் என்னை அறிந்தால் பாகம்-2 எடுத்தாலும் சரி எடுக்கவில்லை என்றாலும் சரி. ஆனால் அஜித்திடம் கேட்டால் ’ஐ யம் ஸாரி’ என்றுதான் சொல்வார் போலிருக்கிறது.
ஏனென்றால் இந்த படத்தின் ஷூட்டிங் சமயத்தில் மட்டும் அல்ல, அதற்கப்புறமும் இருவருக்கும் இடையே சிறிய விரிசல் இருக்கிறது என்கிறது கோடம்பாக்கம். இதற்கு முன்பு படத்தின் கிளைமாக்ஸ் தொடர்பாக இருவருக்கும் இடையே ஏற்பட்ட மோதலை ரசிகர்கள் அறிவார்கள்.
கதைப்படி அஜித் இறந்துவிடுவதை போல காட்சியமைத்திருந்தாராம் கெளதம் மேனன். ஆனால் அதற்கு அஜித்தும், தயாரிப்பாளர் ஏ.எம்.ரத்னமும் சம்மதிக்கவே இல்லை. இந்த நிலையில்தான் கெளதம் வற்புறுத்தலுக்கு இணங்க, படத்தை ரஷ் காப்பி பார்க்க வந்திருந்தார் அஜித்.
‘நீங்க இதுவரைக்குமான படத்தை பார்த்துட்டு அந்த கிளைமாக்சை எடுக்கலாமா வேண்டாமானு சொல்லுங்க?’ என்று அஜித்திடம் சொன்னாராம் கெளதம். படத்தை பார்த்த அஜித் படம் முடிந்து வெளியே வந்ததும், ‘அதான்… என்னை கொன்னுட்டீங்களே, அப்புறம் தனியா வேற ஷூட் பண்ணனுமா?’ என்று கூறிவிட்டு விருட்டென்று கிளம்பிவிட்டாராம்.
இதனால் அதிர்ச்சியடைந்து விட்டாராம் கெளதம். நல்லவேளையாக அவர் இறப்பதை போல படமாக்கவில்லை. தற்போது படமும் வெளிவந்து நல்ல வசூலை குவித்து வருகிறது. இந்த நிலையில் இருவரும் மறுபடியும் சேர்வதற்கான சூழ்நிலை அமையுமா என்பது என் கையில் இல்லை என்று வானத்தை காட்ட ஆரம்பித்திருக்கிறாராம் அஜித்.
No comments:
Post a Comment