பேஸ்புக்கில் பார்த்தது ஒன்று.. நேரில் சந்தித்தது வேறு ஒன்று…!

பேஸ் புக் மூலம் அறிமுகமான காதலித்த பெண்ணின் தோற்றம் அவரின் பேஸ்புக் புகைப்படத்திலுள்ள தோற்றுத்தைவிட வித்தியாசமாக இருந்ததால் காதலனால் தாக்கப்பட்ட சம்பவம் சீனாவில் இடம்பெற்றுள்ளது.

சீனாவின் கிழக்குப் பிராந்திய நகரான சுஸோவை சேர்ந்த ஸியாவோஜின் எனும் 32 வயதான பெண்ணே இவ்வாறு தாக்கப்பட்டுள்ளார். இப்பெண்ணுக்கு பேஸ் புக் மூலம் ஹுவாங் மாவோ எனும் இளைஞர் அறிமுகமானார்.

ஸியாவோஜினின் புகைப்படத்தை பார்த்து அவரை காதலிக்க ஆரம்பித்தார் ஹுவாங் மாவோ. ஸியாவோஜினும் இக்காதலை ஏற்றுக்கொண்டார். அண்மையில் இவர்கள் நேரில் சந்திப்பதற்கு திட்டமிட்டனர்.

இதற்காகபெருந்தொகை செலவு செய்து ஸியாவோஜினின் சொந்த ஊருக்குச் சென்றார் ஹுவாங் மாவோ. ஆனால், அவருக்கு அதிர்ச்சி காத்திருந்தது. பேஸ்புக்கில் ஸியாவோஜின் வெளியிட்டிருந்த படத்தைவிட வித்தியாசமான தோற்றத்தில் அவர் நேரில் காணப்பட்டார். இதனால் விரக்தியும் ஆத்திரமும் அடைந்தார்.

அதன்பின் இருவருக்கும் இடையில் வாக்குவாதம் ஏற்பட்டது. இறுதியில் அந்த பெண்ணை ஹுவாங் மாவோ தாக்கினார். அவர்கள் சந்தித்த உணவு விடுதியின் ஊழியர்கள் தலையிட்டு இருவரையும் பிரித்தனர். பின்னர் ஹுவாங் மாவோ, போலிஸாரால் கைது செய்யப்பட்டார்.

"அந் பெண்ணின் பேஸ் புக் படம் எனது மனதில் மிக ஆழமாக பதிந்திருந்தது. அதனால் எனக்கு அருகில் வந்து அமர்ந்த பெண்ணை பார்த்து நான் மிக அதிர்ச்சியடைந்தேன். அவரின் முகம் பருமனாகவும் பருக்கள் கொண்டதாகவும் காணப்பட்டது. பேஸ்புக் படத்தைவிட முற்றிலும் வித்தியாசமான தோற்றத்தில் அவர் இருந்தார்" என ஹவாங் மாவோ கூறியுள்ளார்.

ஹுவாங் மாவோவின் நண்பர் ஒருவர் இது தொடர்பாக கூறுகையில்,

"ஹுவாங் மாவோ தனது காதலி குறித்து மிக மகிழ்ச்சியுடன் காணப்பட்டார். பலரிடமும் அப்பெண்ணின் புகைப்படத்தைக் காட்டியதுடன் அப்பெண்ணை தேவதை என வர்ணித்துக்கொண்டிருந்தார்"