சுவிஸ்ஸின் நலத்திட்டங்களைச் சார்ந்து வாழும் அகதிகள் குறைந்துள்ளனர்..!!

சுவிஸ்ஸில் வசித்து வரும் அகதிகளில் நலத்திட்ட உதவியை சார்ந்து வாழும் அகதிகளின் எண்ணிக்கை குறைந்துள்ளதாக சுவிஸ் அரசு தகவல் வெளியிட்டுள்ளது. சுவிஸில் மொத்தம் 13,600 அனுமதி பெற்றB மற்றும் F பிரிவு அகதிகள் வாழ்ந்து வருகின்றனர்.

இந்த அகதிகளில், அந்நாட்டின் மாதாந்திர உதவித் தொகை, அகதி சிறப்புச் சலுகை, போன்ற சில நலத்திட்ட உதவிகளை சார்ந்து வாழும் அகதிகளின் எண்ணிக்கை குறைந்துள்ளதாக தகவல்கள் வெளியாகியுள்ளன. கடந்த வெள்ளிக்கிழமை சுவிஸ்ஸின் மத்திய புள்ளியியல் அலுவலகம் இது தொடர்பான புள்ளிவிபரங்களை வெளியிட்டுள்ளது.

இந்த புள்ளிவிவரத்தின் படி, கடந்த 2012ம் ஆண்டு அனுமதி பெற்ற B மற்றும் F பிரிவு அகதிகளில் 86 சதவீதம் பேர் சுவிஸ்ஸின் நலத்திட்ட உதவிகளையே சார்ந்து வாழ்ந்துவந்துள்ளனர். 2013ம் ஆண்டு இதே B மற்றும் F பிரிவு அகதிகளில் நலத்திட்டங்களை சார்ந்து வாழ்வோரின் எண்ணிக்கை 82 சதவீதமாக குறைந்துள்ளது.

அகதிகளுக்கான நலத்திட்ட உதவிகள் சுமார் 4.6 சதவீதம் உயர்ந்துள்ள போதும், நலத்திட்டங்களை பயன்படுத்ஹிக் கொள்வோரின் எண்ணிக்கை குறைந்துள்ளது என்பது குறிப்பிடத்தக்கது.

இதர்கு காரணம் கடந்த 2010 முதல் 2013 வரையிலான காலப்பகுதியில், சுவிஸ்ஸில் குடிபெயர்ந்த அகதிகளின் எண்ணிக்கை அதிகரித்து இருந்ததே என்று கூறப்படுகிறது. அகதிகளின் வரவு அதிகரித்திருந்த அந்த காலத்தில் நலத்திட்டங்களைச் சார்ந்து இருந்தவர்களின் எண்ணிக்கையும் அதிகரித்துக் காணப்பட்டது.

தற்போது சுவிஸ்ஸில் நலத்திட்ட உதவிகளை சார்ந்துள்ள அகதிகளின் எண்ணிக்கை 13,600 ஆக உள்ளது. இதில் 8,300 பேர் 15 வயதிற்கு மேற்பட்டவர்கள். இவர்கள், வேலைவாய்ப்பிற்கான திறன் கொண்டவர்களாக இருந்து சுவிஸ் அரசின் நலத்திட்ட உதவிகளையே சார்ந்துள்ளனர்.

சுவிஸ் அரசு அகதிகளுக்காக, மாதாந்திரம், தனிநபர்களுக்கு 1800 பிராங்குகள், குழந்தைகளுடன் வசிக்கும் தாய் அல்லது தந்தைகளுக்கு 3100 பிராங்குகள், குழந்தைகளுடன் உள்ள பெற்றோர்களுக்கு 3600 பிராங்குகள் என்ற அளவில் நலத்திட்டங்களின் அடிப்படையில் வழங்கி வருகிறது.

கடந்த 2013லிருந்து சுவிஸ் வந்த அகதிகளில், மொத்தம் 20,600 பேர் இந்த நலத்திட்ட உதவிகளைப் பெற்று பயனடைந்துள்ளதாக தகவல்கள் தெரிவிக்கப்படுகின்றன.