உலகக் கோப்பைக்காக டியூனாகி, மொத்த வித்தையையும் கத்துக்குது இந்திய அணி…!!

இந்தியா முழுவதும் இருக்கும் கிரிக்கெட் வெறியர்களுக்கு உலகக் கோப்பை ஃபீவர் தொடங்கி விட்டது. இன்று காலை முதலே உலகக் கோப்பை தொடரின் ஆட்டங்கள் ஆரம்பமாகிவிட்டன.

இன்று காலை நியூசிலாந்து-இலங்கை ஆட்டம் முடிந்து தற்போது ஆஸ்திரேலியா-இங்கிலாந்து அணிகள் பலப் பரீட்சை செய்து வருகின்றன. இந்தியா நாளை பாகிஸ்தானுடன் மோத இருக்கிறது.

இந்த போட்டிக்கு இரு நாட்டு ரசிகர்களிடமிருந்தும் எதிர்பார்ப்பு வலுத்து வருகிறது. இரு நாடுகளில் இருந்தும் ரசிகர்கள் டுவிட்டர் மற்றும் பேஸ்புக்கில் இந்த மோதலை வைத்தே மோதிக்கொண்டு வருகின்றனர்.

அதே போல், இந்தியாவில் 1991 பாகிஸ்தான் இது வரை ஒரு உலகக் கோப்பை தொடரில் கூட வெல்லாததை வைத்து சில விளம்பரங்கங்கள் கூட ஒளிபரப்பப்பட்டு வருகின்றன.

இப்படி ரசிகர்கள் உலகக் கோப்பையை கொண்டாடி வருகிற அதே வேளை, ரசிகளின் எதிர்பார்ப்பை பொய்யாக்கக் கூடாது என்பதற்காக இந்திய அணியும் தீவிரப் பயிற்ச்சியில் ஈடுபட்டுள்ளதாம்.

நாளை நடக்க இருக்கும் ஆட்டத்தை, உலக கோப்பை பைனல் போலவே, பார்ப்பதாக இந்திய வீரர்கள் தெரிவித்துள்ளனர். இந்த பயிற்ச்சியின் ஒரு பகுதியாக, நம்ம டீம் வீரர்கள், பாகிஸ்தானில் எந்தெந்த பவுலர்கள் கொஞ்சம் சேலஞ்சிங்காக இருக்கிறார்களோ அவர்களது பவுலிங்கை எப்படி சமாளிப்பது என்று பயிற்ச்சி எடுத்து வருகின்றனராம்.

இந்திய அணியின் கேப்டன் தோணி, சுழற்பந்துவிச்சை எதிர் கொள்வதில் அதிக கவணம் செலுத்தி வருகிறாராம். இதற்காக, அஷ்வின், ஜடேஜா, அக்சர் படேல் மற்றும் தெற்கு ஆஸ்திரேலிய மையத்தை சேர்ந்த வீரர்கள் பந்து வீச அவர்களது பந்தை சமாளித்து ஸ்கோர் அடித்து பயிற்ச்சி வருகிறாராம் தோணி.

முத்தரப்பு ஒரு நாள் கிரிக்கெட்டில் இங்கிலாந்திடம் இந்தியா தோற்ற போது தோணி, இங்கிலாந்து பவுலர்கள் உயரமாக இருப்பதால் பந்து நல்ல பவுண்ஸ் ஆகி வருகிறது. இதைச் சமாளிக்க முடியாமல் தான் தோல்வியை சந்திக்க நேரிட்டது என்றார்.

இதே போல், பாகிஸ்தானிலும் 7.1 அடி உயரம் கொண்ட வேகப்பந்து வீச்சாளர் முகமது இர்பான் உள்ளார். நாளைய போட்டியில் இவரைப் போன்ற பவுலர்களை சமாளிக்க, புதிய திட்டம் தீட்டியுள்ளனர் இந்திய வீரர்கள்.

அதாவது, அரை மீட்டர் உயரம் கொண்ட இரண்டு சிறிய ‘பெஞ்சுகள்’ மீது நின்று, பயிற்சியாளர் ராகவெந்திரா நல்ல உயரமாக பவுண்ஸ் ஆகுமாறு பந்துவீச, அதை எதிர்கொண்டு சமாளிக்கப் பழகினர் இந்திய வீரர்கள். நேற்று நடந்த இந்த பயிற்ச்சியை விராத் கோஹ்லி முதலில் மேற்கொண்டார்.

இயக்குனர் ரவி சாஸ்திரி, பயிற்சியாளர் பிளட்சர் கண்காணிப்பில் சுமார் 1 மணி நேரம் இந்த பயிற்சி தொடர்ந்தது. கோஹ்லிக்கு தொடர்ந்து ரகானே இதே ‘பெஞ்ச்’ பேட்டிங் பயிற்சியை செய்துள்ளார். இவருக்கு உதவி பயிற்சியாளர் சஞ்சய் பாங்கர், பந்துகளை 10 அடி உயரத்தில் இருந்து 'பிட்ச்' ஆகிச் செல்லுமாறு சிறிய 'பெஞ்ச்' மீது நின்று எறிந்தார்.