வெஸ்ட் இண்டீஸை துவைத்து எடுத்த அயர்லாந்து!!!

உலகக் கோப்பை போட்டிகளில் வெஸ்ட் இண்டீஸுக்கு எதிரான போட்டியில் யாருமே எதிர்பார்க்காத அயர்லாந்து அணி 4 விக்கட்டுகளினால் மிகச் சிறப்பான ஒரு வெற்றியை பெற்றுள்ளது.

உலகக் கோப்பைத் தொடரில் 5வது போட்டி இன்று அயர்லாந்து மற்றும் மேற்கிந்திய தீவுகள் மோதின. முதலில் பேட் செய்த வெஸ்ட் இண்டீஸ் அணி சொதப்பலான ஆட்டத்தால் 83 ரன்களில் 5 விக்கெட்டுகளை இழந்தது. எனினும் சிம்மென்ஸ் மற்றும் சமியின் அதிரடியால் அணியின் எண்ணிக்கை 304ஐத் தொட்டது. முடிவில் 7 விக்கெட்டுக்களை இழந்து 304 ரன்கள் எடுத்தது.

சிம்மென்ஸ் 102 ரன்களும், டரன் சமி 89 ரன்களும் எடுத்தனர். அயர்லாந்து அணியின் பந்து வீச்சில் ஜார்ஜ் டாக்ரெல் கூடுதலாக 3 விக்கெட்டுக்களையும், கெவின் ஒ பிரையன் , ஜான் முனி, ஆண்டி மெக்பிரைன் ஆகியோர் தலா 1 விக்கெட்டுக்களை எடுத்தனர்.

பின்பு 305 என்ற இலக்கை நோக்கி களமிறங்கிய அயர்லாந்து அணி ஆரம்பத்திலிருந்தே அதிரடியான ஆட்டத்தினை வெளிப்படுத்தியது. வெஸ்ட் இண்டீஸின் பந்து வீச்சாளர்கள் விக்கெட்டுக்களை எடுக்க சிரமப்பட்டனர். இதன் விளைவாக அயர்லாந்து அணி 45.5 ஒவர்களில் அந்த இலக்கை அடைந்து வெற்றி பெற்றனர் அந்த அணி 6 விக்கட்டுகளை இழந்து 307 ரன்கள் எடுத்து 4 விக்கெட் வித்தியாசத்தில் வெற்றி பெற்றனர்.

அயர்லாந்து அணியின் பால்ஸ்டிர்லிங் 92 ரன்களையும், எட் ஜாய்ஸ் 84 ரன்களையும் எடுக்க ஒ பிரைய்ன் 79 ரன்களுடன் இறுதிவரை ஆட்டமிழக்கமால் களத்தில் இருந்தார். இவருடன் வெஸ்ட் இண்டீஸ் சார்பில் அணியின் பந்து வீச்சில் டெய்லர் 3விக்கெட்டுகளையும், கெய்ல், சாமுவேல்ஸ் ஆகியோர் தலா 1 விக்கெட்டுகளையும் எடுத்தனர்.