சினிமாவில் திறமை மட்டும் இருந்தால் போதும், அழகும், உடம்பும் தேவையில்லை என்பதை நிரூபித்தவர் தனுஷ். இவரது படங்கள் பெரும்பாலும் இளைஞர்களை கவர்ந்துவிடும்.
கடைசியாக இவர் நடிப்பில் வெளிவந்த வேலையில்லா பட்டதாரி படம் இளைஞர்களிடையே மாபெரும் வரவேற்பை பெற்றது. இப்படத்தை தொடர்ந்து அவரது நடிப்பில் சமீபத்தில் வெளிவந்த அனேகன் படமும் நல்ல வரவேற்பை பெற்று வருகிறது.
சமீபத்தில் இப்படத்தை ரசிகர்களுடன் சேர்ந்து பார்க்க ஆசை பட்ட தனுஷ் மற்றும் அனிருத், சென்னை உதயம் திரைஅரங்கிற்கு வந்தனர். அங்கு தனுஷ், அனிருத் வருவதை பார்த்த ரசிகர்கள் அவர்களை சுற்றி சூழ்ந்து கொண்டனர். பாதுகாவலர்கள் வந்தாலும் ரசிகர்களை கட்டுப்படுத்த முடியவில்லை.
இதனால் ரசிகர்கள் மத்தியில் மாட்டி கொண்டு முழித்தனர் தனுஷும், அனிருத்தும். கடைசியாக பாதுகாவலர்கள் அவர்களை பாதுகாப்பாக தியேட்டர்குள் அழைத்து சென்றனர். ஆனால் ரசிகர்களிடையே தள்ளுமுள்ளு ஏற்பட்டதால் தியேட்டர் கண்ணாடிகள் உடைந்து சிதறியது.
அதோடு தனுஷ் வந்த காரின் பின் பகுதியின் ஒரு இடத்தில் நசுங்கி கிடந்தது. படம் முடிந்து வந்த தனுஷ் இதை பார்த்த அதிர்ச்சி அடைந்தார். என்ன தான் ரசிகர்கள் அவரது படத்தை ஆரவாரம் செய்தாலும் இந்த மாதிரி செயல் அவரை மிகவும் கவலை படுத்தியுள்ளது.
No comments:
Post a Comment