பணம் கொடுத்து தான் அ.தி.மு.க., வெற்றி பெற்றுள்ளது: எதிர்கட்சிகள் குமுறல்…!!

கடந்த பிப்ரவரி 13ம் தேதி நடந்து முடிந்த ஸ்ரீரங்கம் இடைத்தேர்தலின் வாக்கு எண்ணிக்கை இன்று காலை 8மணி முதல் நடந்து வருகிறது.

பஞ்சப்பூர் சாரநாதன் பொறியியல் கல்லூரி வளாகத்தில் நடந்து வரும் இவ்வாக்கு எண்ணிக்கையின் 15வது சுற்று நிலவரப்படி, அ.தி.மு.க., வேட்பாளர் எஸ்..வளர்மதி தொடர்ந்து முன்னிலை வகித்து வருகிறார்.

தற்போதைய நிலவரப்படி அ.தி.மு.க., வேட்பாளர் வளர்மதி 99,943 வாக்குகளும், தி.மு.க., வேட்பாளர் ஆனந்தன் 36,886 வாக்குகளும், பா.ஜ.க., வேட்பாளர் சுப்பிரமணியன் 3,414 வாக்குகளும், மார்க்ஸிஸ்ட் கம்பூனிஸ்ட் கட்சியின் அண்ணாதுரை 991 வாக்குகளும் பெற்றுள்ளனர்.

இந்த தகவல்களின் அடிப்படையில், ஆளுங்கட்சியான அ.தி.மு.க., இத்தேர்தலில் முன்னிலை வகித்து வருகிறது. தி.மு.க., பின்னடைவைச் சந்தித்துள்ளது.

இந்நிலையில், அ.தி.மு.க., வெற்றி பெறுவது உறுதி என்பதால் தொண்டர்கள் பெரும் உற்சாகத்துடன் இனிப்பு வழங்கியும், வேட்டு வைத்தும், வாண வேடிக்கை காட்டியும் கொண்டாடி வருகின்றனர்.

இதற்கிடையில், இத்தேர்தலில் பணப் பட்டுவாடா செய்ததால் தான் அ.தி.மு.க., வெற்றி பெற்றுள்ளது என்று எதிர்கசியினர் குற்றம் சுமத்தி வருகின்றனர்.