ஸ்ரீரங்கம் இடைத் தேர்தல்: கோலகலமாகக் கொண்டாடும் அ.தி.மு.க.

கடந்த பிப்ரவை 13ம் தேதி நடந்து முடிந்த ஸ்ரீரங்கம் இடைத்தேர்தலின் வாக்கு எண்ணிக்கை இன்று காலை முதல் நடந்து வருகிறது. 13ம் தேதி நடந்த தேர்தலில் மொத்தம் 81.83 சதவீதம் வககுகள் பதிவாகின.

கம்பியூட்டர் கண்கணிப்பில் பதிவான இவ்வாக்குகளின் மின்னனு இயந்திரங்கள், திருச்சி - மதுரை சாலையில் பஞ்சப்பூரில் உள்ள் சாரநாதன் பொறியியல் கல்லூரி வளாகத்தில் வைத்து பாதுகாக்கப்பட்டு வந்தது.

இதை அடுத்து இன்று காலை 8 மணிக்கு வாக்கு எண்ணிக்கை துவங்கியது. மொத்தம் 23 சுற்றுகளாக இந்த வாக்கு எண்ணிக்கை நடைபெறவுள்ளது. நடந்து முடிந்த 2வது சுற்று முடிவு வரை அ.தி.மு.க., வேட்பாளர் வளர்மதி 12,397 வாக்குகள் பெற்று முன்னிலையில் உள்ளார்.

தி.மு.க., வேட்பாளர் ஆனந்தன் 4,140 வாக்குகளும், பா.ஜ.க., வேட்பாளர் சுப்பிரமணியன் 351 வாக்குகளும், மார்க்ஸிஸ்ட் கம்பூனிஸ்ட் கட்சியின் அண்ணாதுரை 83, டிராபிக் ராமசாமி 66 வாக்குகளும் பெற்றுள்ளனர்.

இதன் மூலம், அதிமுக – திமுக இடையில் நேரடிப் போட்டி நிலவுவது தெளிவாகத் தெரிகிறது. மத்தியில் ஆட்சி அமைத்துள்ள பா.ஜ.க.,வுக்கு இந்த தேர்தல் முடிவுகள் பெரும் ஏமாற்றத்தை தந்துள்ளன.