கத்தி வசூலை முறியடிக்குமா என்னை அறிந்தால்??

கடந்த வாரம் வெளியானது அஜித்தின் என்னை அறிந்தால். கௌதம் மேனன் இயக்கத்தில் முதன் முதல் அஜித் இணைந்துள்ள இப்படத்திற்கு பயங்கர எதிர்பார்ப்பு இருந்தது எனபது குறிப்பிடத்தக்கது.

இப்படத்தில் அனுஷ்கா, த்ரிஷா, அருண் விஜய், விவேக் மற்றும் பல நட்சத்திரங்கள் நடித்திருந்தனர். இப்படம் வெளியாகி ஒரு வாரம் ஆகிவிட்ட நிலையில் இப்படம் இதுவரை சுமார் ரூ.50 கோடிகள் வசூலித்திருப்பதாக உறுதி செய்யப்படாத தகவல்கள் வந்துள்ளது. ஆனால் விஜய் நடிப்பில் வெளியான கத்தி முதல் வார முடிவில் ரூ.70 கோடிகள் வசூல் செய்தது என்பது குறிப்பிடத்தக்கது.

அதே போல இப்படத்தின் முதல் நாள் வசூலும் தமிழ்நாட்டைப் பொறுத்தவரை ரூ.10 கோடிகள் தான். கத்தி ரூ.12 கோடிகள் வசூல் செய்திருந்தது. இந்நிலையில் இனிவரும் நாட்களில் இப்படம் கத்தியின் வசூலை முறியடிக்குமா என்பது பெரிய கேள்விக் குறியாகியுள்ளது.

ஏனெனில் ஏற்கனவே தனுஷின் அனேகன் படம் வேறு வெளியாகியுள்ளதால் படத்தின் வசூல் பாதிக்கப்படுவதற்கு வாய்ப்புகள் இருப்பதாக திரையரங்க வட்டாரங்கள் கூறுகின்றது.