சினிமா ஆசை: தூக்குப் போட்டுத் தொங்கிய டி.வி. நடிகை…!!

சினிமாவில் நடிக்க ஆசைப்பட்டு கனவரை பிரிந்து வேறொருவருடன் வாழ்ந்து வந்த தெலுங்கு டி.வி. நடிகை தற்கொலை செய்துகொண்ட சம்பவம் ஐதராபாத்தில் பெரும் பரபரப்பை ஏற்படுத்தியுள்ளது.

தெலுங்கு டி.வி.தொடர்களிலும், சில திரைப்படங்களில் துனை நடிகராகவும் நடித்து வருபவர் தீப்தி. 31 வயதான இவரது உண்மையான பெயர், ராமலட்சுமி. மேற்கு கோதாவரியைச் சேர்ந்த அப்பாநாயிடு என்பவரது மகள்.

10 ஆண்டுகளுக்கு முன் விஜயநகரைச் சேர்ந்த பெயிண்டர் சங்கரை ராமலட்சுமி திருமணம் செய்துள்ளார். இவர்களுக்கு 5 வயதில் ஒரு மகனும் உள்ளார். அப்போதிருந்தே, இவருக்கு சினிமாவில் நடிக்க வேண்டும் என்ற ஆசை இருந்தது.

ஒரு கட்டத்தில் கணவரை விவாகரத்து செய்துவிட்டு ஹைதரபாத்தில் குடியேறினார். தன் பெயரை தீப்தி என்று மாட்டிக் கொண்டு டி.வி.நிகழ்ச்சிகளிலும், திரைப்படங்களில் சிறிய வேடங்களிலும் நடித்து வருகிறார்.

திரைப்படத் துறையில் நடிகை ஆக வேண்டும் என்ற எண்ணத்தில், ரமேஷ்குமாருடன் ஒன்றாக வாழ்ந்து வந்தார். ரமேஷ்குமார் திரைப் படத்துறையில் பணியாற்றி வருகிறார். இந்நிலையில், நேற்று காலை தீப்தி என்ற ராமலட்சுமி, ஹைதரபாத்தில் உள்ள அவரது அபார்மெண்டில் ஃபேனில் தூக்கு போட்டு தொங்கியுள்ளார்.

நேற்று காலை, வீட்டிற்கு வந்த ரமேஷ்குமார், கதவைத் தட்டியுள்ளார். கதவு திறக்காததால், ஜன்னல் வழியாக எட்டிப் பார்த்துள்ளார். அப்போது, தீப்தி தூக்கில் இருந்ததைக் கண்டு அதிர்ச்சி அடைந்துள்ளார். பின்னர் ஜன்னல் வழியாகவே உள்நுழைந்து, இறந்த நிலையில் இருந்த தீப்தியை இறக்கியுள்ளார்.

இதன் பின் காவலர்களுக்கு தகவல் கொடுக்கப்பட்டு வரவழைக்கப்பட்டனர். காவலர்கள், தீப்தியின் புதிய காதலரிடம் இம்மரணத்தில் மர்மம் உள்ளதா என்ற கோணத்தில் விசாரணை மேற்கொண்டு வருகின்றனர்.

இதற்கிடையில் தீப்தி தனது தற்கொலையை தனது, ‘ஐ பேடில்’ பதிவு செய்து உள்ளதாகவும் கூறப்படுகிறது. சினிமாவில் நடிக்க வேண்டும் என்ற ஆசையில் கணவரை விவாகரத்து செய்து விட்டு ஹைதராபாத்துக்கு வந்த தீப்தி, தெலுங்கு படங்கள் பலவற்றில் துணை நடிகையாக நடித்து உள்ளார்.

அகவனம், லக்கிலட்சுமி போன்ற டி.வி. தொடர்களிலும் இவர் இடம்பெற்றுள்ளார். இது தவிற சில டி.வி. தொடர்களை தயாரித்தும் வந்துள்ளார்.

இந்நிலையில், தான் இவர் திடீர் என தூக்கு போட்டு இறந்துள்ளார். இவர் நடிகை ஆக வேண்டும் என்ற தனது ஆசை நிரைவேறாததால் தான் இவர் மன விரக்தியில் தான் இவ்வாறு தவறான முடிவை எடுத்தாரா, அல்லது ரமேஷ்குமாருக்கும் இவரது மரணத்திற்கும் ஏதேனும் சம்பந்தம் உள்ளதா, பழைய வாழ்கையின் நினைவுகளால் அல்லது தொல்லையால் இவர் மரணமடைந்தாரா என்று பல கோணத்தில் போசீஸார் தீவிரமாக விசாரித்து வருகின்றனர்.