ஸ்ரீரங்கம் இடைத்தேர்தலில் அ.தி.மு.க., வேட்பாளர் எஸ்.வளர்மதி பெருவாரியான வாக்கு வித்தியாசத்தில் வெற்றி பெற்றுள்ளார்.
அ.தி.மு.க., பொதுச் செயலாளரும், முன்னாள் முதல்வருமான ஜெயலலிதா சொத்து குவிப்பு வழக்கில் தண்டனை பெற்றதைத் அடுத்து, காலியாக இருந்த ஸ்ரீரங்கம் தொகுதிக்கான இடைத்தேர்தல் கடந்த பிப்ரவரி 16ம் தேதி நடந்தது.
மொத்தம் 2,70,281 வாக் காளர்களைக் கொண்ட இத்தொகுதியில் 2,21,172 வாக்குகள் பதிவானது. இது 81.83 சதவீதமாகும். தி.மு.க., சார்பில் ஆனந்தனும், பா.ஜ.க., சார்பில் சுப்பிரமணியன், மார்க்ஸிஸ்ட் கம்யூனிஸ்ட் சார்பில் அண்ணாதுரை, அ.தி.மு.க., சார்பில் எஸ்.வளர்மதி உட்பட மொத்தம் 29 பேர் இந்த தேர்தலில் வேட்பாளர்களாக களமிறங்கினர்.
பெரிய அளவில் மோதல்கள், சர்ச்சைகள் இல்லாமல் 13ம் தேதி இடைத்தேர்தல் நடந்து முடிந்தது. தேர்தலுக்குப் பின், திருச்சி – மதுரை சாலையில் அமைந்துள்ள பஞ்சப்பூர் சாரநாதன் பொறியியல் கல்லூரியில் நான்கடுக்கு பாதுகாப்பில் ஓட்டு பதிவான மின்னனு இயந்திரங்கள் வைக்கப்பட்டன.
இதனை அடுத்து, இன்று காலை அதே பஞ்சப்பூர் சாரநாதன் பொறியியல் கல்லூரியில் இன்று காலை 8 மணிக்கு வாக்கு எண்ணிக்கை துவங்கியது. மொத்தம் 23 சுற்றுகளாக இந்த வாக்கு எண்ணிக்கை நடந்து முடிந்தது.
வாக்கு எண்ணிக்கையின் முடிவில் அ.தி.மு.க., வேட்பாளர் எஸ் வளர்மதி பெருவாரியான வாக்குகளைப் பெற்று வெற்றி பெற்றுள்ளார் என்று தகவல்கல் வெளியாகின. இது குறித்து தேர்தல் ஆணைய அதிகாரிகள் இன்னும் சற்று நேரத்தில் அதிகாரப்பூர்வ தகவல்களை வெளியிடுவர்.
22வது சுற்றின் முடிவில், மாநில ஆளுங்கட்சியான அ.தி.மு.க., வேட்பாளர் எஸ் வளர்மதி, 92,352 வாக்குகள் முன்னிலையில் இருந்தார்.
No comments:
Post a Comment