அனேகனின் 3 நாள் வசூல்.. ஆச்சரியத்தில் கோலிவுட்..!

தனுஷ், அமைரா தாஸ்துர், கார்த்திக் நடிப்பில் வெளிவந்துள்ள படம் அனேகன். கே.வி ஆனந்த் இயக்கியுள்ள இப்படம் காதலர் தினத்தை முன்னிட்டு கடந்த பிப்ரவரி 13ஆம் தேதி ரிலீஸானது. நான்கு காலக்கட்ட காதல் கதையை மையப்படுத்தி வந்துள்ள இப்படம் ரசிகர்களிடையே நல்ல வரவேற்பை பெற்றுவருகிறது.

இதுவரை எந்த தனுஷ் படத்திற்கும் இல்லாத அளவிற்கு மாபெரும் ஓப்பனிங் இப்படத்திற்கு கிடைத்துள்ளது. தற்போது இப்படத்தின் மூன்று நாள் வசூல் நிலவரங்கள் வெளிவந்துள்ளது. முதல் நாளில் சுமார் ரூ 9 கோடிகளுக்கு மேல் வசூல் செய்ததாக கூறப்படும் இப்படம் இதுவரை மொத்தம் 30 கோடி வசூல் செய்துள்ளதாக கூறப்படுகிறது.

இதை தனுஷே தனது டுவிட்டர் பக்கத்தில் தெரிவித்துள்ளாராம். இதகுறித்து தனுஷ் தனது டுவிட்டர் பக்கத்தில், அனேகன் தெலுங்கில் வராமலேயே 3 நாட்களில் ரூ 30 கோடி வசூல் செய்துள்ளது. அனைவருக்கும் நன்றி, நன்றி என டுவிட் செய்துள்ளார்.