இன்றைய தினம்....!! (பிப்ரவரி 17)

பிப்ரவரி 17

உலகப் புகழ் பெற்ற இந்திய தத்துவ ஆசிரியர் ஜே.கே மறைந்தார்!!

ஜிட்டு கிருஷ்ண மூர்த்தி என்று சுருக்கமாக அழைக்கப்படும் ஜே.கே., உலக அளவில் புகழ் பெற்ற ஒரு இந்திய மெய்யறிவாளர் மற்றும் பேச்சாளர் ஆவார். தற்போதைய ஆந்திர பிரதேசத்தின் மதனப்பள்ளியில், தெலுங்கு பேசும் இந்து பிராமணக் குடும்பத்தில் பிறந்தார் ஜிட்டு கிருஷ்ண மூர்த்தி.

இவரது தந்தை ஜித்து நாராயணன் பிரிட்டிஷ் அரசாங்கத்தில் பணி புரிந்து வந்தார். தாய் சிரஞ்சீவியம்மாள், கிருஷ்ண மூர்த்தியின் 10வது வயதில் இறந்தார். பள்ளியில் ஆசிரியர்களாலும், வீட்டில் தந்தையாலும், கிருஷ்ண மூர்த்தி தொடர்ந்து அடி வாங்கினார்.

இது அவரது மனதை பெரிதும் பாதித்தது. அவரது 18வது வயதில் அவரது சகோதரி இறந்து போனார். இது அவரது தாயின் மரணத்தை அவருக்கு இன்னும் ஆழமாக மனத்தினுள் நிறுத்தியது. இதனால், இவர் என்றும் நிரந்தரமான இயற்கையுடன் ஒன்றி வாழக் கற்றுக் கொண்டார்.

இளம் வயதிலேயே அப்போதைய் தியோசபிகல் சொசைட்டியின் அன்னிபெசன்ட் அம்மையால் தத்தெடுக்கப்பட்டு, எதிர்கால தியொசபில் தலைவராக அறிவிக்கப்பட்டிருந்தார். எனினும் பின்னர் ஜே.கிருஷ்ணமூர்த்தி அவ்வியக்கத்தைத் துறந்து தன்னிச்சையான கொள்கை கொண்டார்.

உலகளவிலும் முக்கியமான தத்துவ ஆசிரியர்களுள் ஒருவராக மதிக்கப்படுவர். பல நாடுகளிலுள்ள மக்களைச் சந்தித்து சொற்பொழிவுகளையும் கலந்துரையாடல்களையும் நிகழ்த்தினார்; 1960களில் உலகின் முக்கிய மெய்யியலாளர்களில் ஒருவராக இவர் கருதப்படுகிறார். 1986ல் இதே நாளன்று இவர் மரணித்தார்.

இன்றைய வரலாற்று நிகழ்வுகள்

விண்டோஸ் 2000 வெளியிடப்பட்டது(2000)

சூயஸ் கால்வாய் வழியாக முதலாவது கப்பல் சென்றது(1867)

நியூஸ் வீக், முதலாவது இதழ் வெளிவந்தது(1933)

இன்றைய சிறப்பு தினம்

கொசோவா விடுதலை தினம்

குவிரினஸ் நினைவு தினம் (ரோமப் பேரரசு)