இன்றைய தினம்....!! (பிப்ரவரி 16)

பிப்ரவரி 16

1944

இந்தியாவில் சினிமாவை அறிமுகப்படுத்திய தாதாசாஹெப் பால்கே மறைந்த தினம்…!!

இன்று மக்களின் அனைத்து செயல்களிலும் சினிமா ஆதிக்கம் இருக்கிறது என்பது மறுக்க முடியாத உண்மை. இந்த அளவுக்கு மக்களின் வாழ்கையில் ஒன்றிவிட்ட சினிமாவை இந்தியாவிற்கு எடுத்து வந்த பெருமை தாதா சாஹெப் பால்கே அவர்களையே சேரும்.

இந்தியாவின் நாசிக்கில் பிறந்தவர் தாதா சாஹெப் பால்கே. இவர் 1910 முதல் 1940 வரையில் திரைப்படங்கள் பலவற்றை தயாரித்தார். பெரும்பாலும் தான் தயாரித்த படங்களை தானே இயக்கினார் பால்கே.

இந்தியாவில் சினிமாவை அறிமுகப்படுத்திய பெருமை இவரையே சேரும். இதனால் இவர் இந்திய சினிமாவின் தந்தை என்றும் அழைக்கப்படுகிறார். இவர் ஆரம்பத்தில் திரையிட்ட படங்கள் சப்தமில்லாத, ஊமைப் படங்களாகவும், கருப்பு வெள்ளைப் படங்களாகவுமே இருந்தன.

தொடக்கத்தில் படங்களை தயாரித்து மட்டும் வெளியிட்ட இவர், ஒரு கட்டத்தில் தீவிர முயற்சியால் ஒரு முழு படத்திற்கான கதையை எழுதி இயக்கிநார். இந்த படத்திற்கு தன் குடும்பத்தில் இருந்த 18 நபர்களை நடிக்க வைத்தார்.

இது தான் இந்தியாவில் இந்தியரால் உருவான முதல் சினிமாவாகக் கருதப்படுகிறது.

1944ம் ஆண்டு இதே நாளன்று தாதாசாஹெப் பால்கே மறைந்தார். இந்திய சினிமாவின் தந்தைக்கு பெருமை சேர்க்கும் விதமாக தாதாசாகெப் பால்கே விருது வழங்கப்பட்டது.

இன்றைய வரலாற்று நிகழ்வுகள்

1796 - ஆங்கிலேயர் கொழும்பை டச்சுக்களிடம் இருந்து கைப்பற்றினர்.

1961 - எக்ஸ்புளோரர் 9 (S-56a) விண்ணுக்கு ஏவப்பட்டது.

2005 - கியோட்டோ உடன்பாடு நடைமுறைக்கு வந்தது.

2007 - 2000 ஆம் ஆண்டில் தர்மபுரி பேருந்து தீவைப்பு நிகழ்வில் மூன்று மாணவிகளை உயிருடன் எரித்துக் கொலை செய்த அ.தி.மு.க.வினர் மூவருக்கு தூக்குத்தண்டனயும் மேலும் 25 பேருக்கு 7 ஆண்டுகள் சிறைத்தண்டனையும் வழங்கித் தீர்ப்பளிக்கப்பட்டது.

இன்றைய சிறப்பு தினம்

கிம் ஜோங் இல் அவர்களின் பிறந்த நாள் (வட கொரியா)

லித்துவேனியா விடுதலை தினம் (1918ல் ரஷ்யாவிடம் இருந்து விடுதலை அடைந்தது)